مىسىر استاناسى كايردٸڭ باتىسىندا بولعان جول اپاتىنان كەمٸندە 10 ادام كٶز جۇمىپ, تاعى 24 ادام جاراقات الدى, دەپ حابارلايدى ult.kz.
ەلدٸڭ دەنساۋلىق ساقتاۋ مينيسترلٸگٸ تاراتقان اقپاراتقا سەيكەس, اپات گيزا پروۆينتسيياسىنىڭ 6 قازان اۋدانىندا بولعان. ورتا اينالما جول مەن داباا تاسجولىنىڭ قيىلىسىندا جولاۋشىلار مٸنگەن شاعىن اۆتوبۋس جٷك كٶلٸگٸمەن سوقتىعىسقان.
جاراقات العان 24 ادامنىڭ ونىنىڭ جاعدايى تۇراقسىز دەپ باعالانىپ وتىر. قازٸر زارداپ شەككەندەرگە مەديتسينالىق كٶمەك كٶرسەتٸلٸپ جاتىر.
مينيسترلٸك جارالانعانداردى ەمدەۋ ٷشٸن بارلىق قاجەتتٸ رەسۋرس جۇمىلدىرىلعانىن مەلٸمدەدٸ. مەديتسينالىق مەكەمەلەردٸ دەرٸ-دەرمەكپەن, دونورلىق قانمەن جەنە قاجەتتٸ ماتەريالدارمەن قامتاماسىز ەتۋ شارالارى قابىلدانعان.
