رەسەيلٸك «ليۋبە» توبىنىڭ بەك-ۆوكاليسٸ الەكسەي تاراسوۆ 64 جاسىندا ٶمٸردەن ٶتتٸ. قارالى حاباردى ۇجىم ەلەۋمەتتٸك جەلٸدەگٸ رەسمي پاراقشاسىندا جارييالادى, دەپ حابارلايدى ult.kz.

توپ مٷشەلەرٸ مارقۇمنىڭ وتباسى مەن جاقىندارىنا, ونى تانىعان جەنە ٶنەرٸن باعالاعان بارشا جانعا كٶڭٸل ايتتى. جارييالانعان حابارلامادا مۋزىكانتتىڭ قازاسىنىڭ سەبەبٸ كٶرسەتٸلمەگەن.

الەكسەي تاراسوۆ 1961 جىلعى 2 جەلتوقساندا مەسكەۋدە دٷنيەگە كەلگەن. يپپوليتوۆ-يۆانوۆ اتىنداعى مۋزىكا اكادەميياسىنىڭ ديريجەرلٸك-حور بٶلٸمٸندە بٸلٸم العان. توپتىڭ رەسمي سايتىنداعى ٶمٸربايانىنا سەيكەس, ول «ليۋبە» قۇرىلعان كەزدەن باستاپ ۇجىممەن جۇمىس ٸستەپ, بارلىق البومىنىڭ جازىلۋىنا قاتىسقان. ال كونتسەرتتٸك قۇرامعا 2005 جىلى قوسىلعان. 

الەكسەي تاراسوۆ كٸم?

الەكسەي تاراسوۆ — رەسەيلٸك مۋزىكانت, «ليۋبە» توبىنىڭ بەك-ۆوكاليسٸ. ول 1961 جىلعى 2 جەلتوقساندا مەسكەۋدە دٷنيەگە كەلگەن. يپپوليتوۆ-يۆانوۆ اتىنداعى مۋزىكا اكادەميياسىنىڭ ديريجەرلٸك-حور بٶلٸمٸندە بٸلٸم العان. «ليۋبە» قۇرىلعان كەزدەن باستاپ ۇجىممەن بٸرگە جۇمىس ٸستەپ, توپتىڭ بارلىق البومىن جازۋعا قاتىسقان. ال كونتسەرتتٸك قۇرامىنا 2005 جىلى قوسىلعان. توپتىڭ رەسمي سايتىندا ونىڭ رەپەرتۋارداعى سٷيٸكتٸ ەنٸ «تام, زا تۋمانامي» ەكەنٸ كٶرسەتٸلگەن.