مارقۇم زاڭگەر عابيت ٶمٸربەكتٸڭ جۇبايى ەلەۋمەتتٸك جەلٸدە كٷيەۋٸنە ارناپ ەسەرلٸ جازبا جارييالادى. ول بٸرگە ٶتكٸزگەن كٷندەرٸن ەسكە الىپ, جارىنىڭ قازاسىنا ەلٸ دە سەنە الماي جٷرگەنٸن جەتكٸزدٸ, دەپ حابارلايدى ult.kz.
«ۋاقىتتى كەرٸ قايتارۋعا مٷمكٸندٸك بولسا…
مەن سەنٸ قايتا تاڭدار ەدٸم. وتباسىمىزدى, بٸرگە جاساعان ساياحاتتارىمىزدى, بٷگٸندە ەڭ قىمبات ەستەلٸككە اينالعان قاراپايىم كٷندەرٸمٸزدٸ دە قايتا تاڭدار ەدٸم.
مەن سەنسٸز ٶمٸر سٷرۋدٸ ەلٸ ٷيرەنە المادىم. كەيدە سەن الىستا جٷرگەندەي, جاقىندا قايتىپ كەلەتٸندەي كٶرٸنەسٸڭ.
بەرٸ قانداي تەز ٶزگەردٸ…سەنٸ سٷيەمٸن, مەنٸڭ عابيتٸم. مەڭگٸلٸك», – دەپ جازدى ول.
زاڭگەردٸڭ جارى ٷشٸن وتباسىمەن بٸرگە ٶتكٸزگەن قاراپايىم سەتتەردٸڭ ٶزٸ بٷگٸندە باعا جەتپەس ەستەلٸككە اينالعان. جازباسىندا ول كٷيەۋٸنە دەگەن ماحابباتى مەن ساعىنىشىن بٸلدٸردٸ.
ايتا كەتەيٸك, مارقۇم زاڭگەر عابيت ٶمٸربەكتٸڭ ەيەلٸ جٷرەك تەبٸرەنتەرلٸك جازبا جارييالادى.
عابيت ٶمٸربەك كٸم?
عابيت ٶمٸربەك — قازاقستاندىق زاڭگەر, ادۆوكات ەرٸ قۇقىق قورعاۋشى. ول «Lawyer 888» حالىقارالىق زاڭگەرلٸك كومپانيياسىنىڭ باس ديرەكتورى بولعان. بۇعان دەيٸن پروكۋراتۋرا ورگاندارىندا سەگٸز جىل قىزمەت اتقارعان. قىلمىستىق, ازاماتتىق جەنە ەكٸمشٸلٸك ٸستەر بويىنشا ازاماتتارعا قۇقىقتىق كٶمەك كٶرسەتكەن.
زاڭگەر قوعام نازارىن اۋدارعان ٸستەردە جەبٸرلەنۋشٸلەردٸڭ مٷددەسٸن قورعاۋىمەن تانىلعان. سونىڭ ٸشٸندە وتارداعى ەسكەري بٶلٸمدە ەلٸمجەتتٸك كٶرگەن سارباز ەسبول قاپاردىڭ ٸسٸمەن اينالىسقان. سونداي-اق جول-كٶلٸك وقيعالارى مەن الاياقتىقتان زارداپ شەككەن ازاماتتارعا كٶمەكتەسكەن. وتباسىلىق داۋلار, اجىراسۋ, اتا-انا قۇقىعى جەنە زاڭسىز رەسٸمدەلگەن نەسيەلەرگە قاتىستى مەسەلەلەرمەن دە جۇمىس ٸستەگەن.
بۇقارالىق اقپارات قۇرالدارى مەن ەلەۋمەتتٸك جەلٸلەردە زاڭ تالاپتارىن تٷسٸندٸرٸپ, حالىقتىڭ قۇقىقتىق ساۋاتىن ارتتىرۋعا اتسالىسقان. ونىڭ ٶمٸردەن ٶتكەنٸ 2026 جىلعى 24 قازاندا بەلگٸلٸ بولدى.
