Marqum zańger Ǵabit Ómirbektiń jubaiy áleýmettik jelide kúieýine arnap áserli jazba jariialady. Ol birge ótkizgen kúnderin eske alyp, jarynyń qazasyna áli de sene almai júrgenin jetkizdi, dep habarlaidy ult.kz.
«Ýaqytty keri qaitarýǵa múmkindik bolsa…
Men seni qaita tańdar edim. Otbasymyzdy, birge jasaǵan saiahattarymyzdy, búginde eń qymbat estelikke ainalǵan qarapaiym kúnderimizdi de qaita tańdar edim.
Men sensiz ómir súrýdi áli úirene almadym. Keide sen alysta júrgendei, jaqynda qaityp keletindei kórinesiń.
Bári qandai tez ózgerdi…Seni súiemin, meniń Ǵabitim. Máńgilik», – dep jazdy ol.
Zańgerdiń jary úshin otbasymen birge ótkizgen qarapaiym sátterdiń ózi búginde baǵa jetpes estelikke ainalǵan. Jazbasynda ol kúieýine degen mahabbaty men saǵynyshyn bildirdi.
Aita keteiik, Marqum zańger Ǵabit Ómirbektiń áieli júrek tebirenterlik jazba jariialady.
Ǵabit Ómirbek kim?
Ǵabit Ómirbek — qazaqstandyq zańger, advokat ári quqyq qorǵaýshy. Ol «Lawyer 888» halyqaralyq zańgerlik kompaniiasynyń bas direktory bolǵan. Buǵan deiin prokýratýra organdarynda segiz jyl qyzmet atqarǵan. Qylmystyq, azamattyq jáne ákimshilik ister boiynsha azamattarǵa quqyqtyq kómek kórsetken.
Zańger qoǵam nazaryn aýdarǵan isterde jábirlenýshilerdiń múddesin qorǵaýymen tanylǵan. Sonyń ishinde Otardaǵy áskeri bólimde álimjettik kórgen sarbaz Esbol Qapardyń isimen ainalysqan. Sondai-aq jol-kólik oqiǵalary men alaiaqtyqtan zardap shekken azamattarǵa kómektesken. Otbasylyq daýlar, ajyrasý, ata-ana quqyǵy jáne zańsyz rásimdelgen nesielerge qatysty máselelermen de jumys istegen.
Buqaralyq aqparat quraldary men áleýmettik jelilerde zań talaptaryn túsindirip, halyqtyń quqyqtyq saýatyn arttyrýǵa atsalysqan. Onyń ómirden ótkeni 2026 jylǵy 24 qazanda belgili boldy.
