Telejúrgizýshiler Láilá Sultanqyzy men Aigúl Múkeidiń qyz uzatý rásiminde án aitýy áleýmettik jelide talqyǵa tústi. Keibir qoldanýshylar olardyń otbasylyq jaǵdaiyn sóz etip, uzatýǵa qatysýyn «jaman yrymǵa» balaǵan. Láilá Sultanqyzy mundai pikirlerge Threads paraqshasynda jaýap berdi, dep habarlaidy ult.kz.

Telejúrgizýshi óz taǵdyryna qatysty orynsyz pikir aitqandarǵa renishin bildirgen.

«Kak býdto men osyndai taǵdyrdy, ómirdi Qudaidan surap alǵandai, stereotipke jatyp alǵan qyz-kelinshekter, sizderge ne boldy?» — dep jazdy Láilá Sultanqyzy.

Onyń aitýynsha, qos telejúrgizýshi uzatylǵan qyzdyń jeke ótinishimen án aityp, shyǵaryp salǵan. Qalyńdyq — ekeýiniń de shákirti, jýrnalist Dina Oraz.

«Keshe áriptesimiz, Aigúl Múkei ekeýmizdiń shákirtimiz, talantty jýrnalist, sińlimizdei bolyp ketken Dina Orazdy (jeke ótinishi boiynsha) uzatýynda án aityp, birge shyǵaryp salǵan edik. Oibai, jesir búitpeidi, sóitpeidi dep jep jatyrsyzdar», — dedi ol.

Láilá Sultanqyzy uzatýda án aitatyn ózge áielderdiń de jeke ómirin jurt bile bermeitinin aityp, synshylarǵa saýal tastady.

«Stop, sonda sizder anaý ansamblde óleń aityp, shyǵaryp salatyn qyz-kelinshekterdiń taǵdyrlarymen tanyssyzdar ma?» — dep jazdy telejúrgizýshi.

Aita keteiik, Sultanqyzynyń jazbasy talqyǵa tústi. 

Láilá Sultanqyzy kim?

Láilá Sultanqyzy — qazaqstandyq telejúrgizýshi, jýrnalist jáne mediamenedjer. Ol 1977 jylǵy 5 sáýirde Shymkentte dúniege kelgen. Kópshilikke «Áiel baqyty» jáne «Óz oiym» sekildi telejobalar arqyly tanylǵan.

Habarlarynda otbasy, bala tárbiesi, áielderdiń qoǵamdaǵy orny men áleýmettik máselelerdi kóteredi. Telejúrgizýshilikpen qatar, prodiýserlik jáne media salasyndaǵy uiymdastyrý jumystarymen ainalysqan. «Men — áielmin» jáne «Balapan: bári de balalyqtan bastalady» kitaptarynyń avtory. Áleýmettik jelide kásibi qyzmeti, kúndelikti ómiri jáne jeke kózqarasy týraly jazbalar jariialap turady.