Mysyr astanasy Kairdiń batysynda bolǵan jol apatynan keminde 10 adam kóz jumyp, taǵy 24 adam jaraqat aldy, dep habarlaidy ult.kz.
Eldiń Densaýlyq saqtaý ministrligi taratqan aqparatqa sáikes, apat Giza provintsiiasynyń 6 qazan aýdanynda bolǵan. Orta ainalma jol men Dabaa tasjolynyń qiylysynda jolaýshylar mingen shaǵyn avtobýs júk kóligimen soqtyǵysqan.
Jaraqat alǵan 24 adamnyń onynyń jaǵdaiy turaqsyz dep baǵalanyp otyr. Qazir zardap shekkenderge meditsinalyq kómek kórsetilip jatyr.
Ministrlik jaralanǵandardy emdeý úshin barlyq qajetti resýrs jumyldyrylǵanyn málimdedi. Meditsinalyq mekemelerdi dári-dármekpen, donorlyq qanmen jáne qajetti materialdarmen qamtamasyz etý sharalary qabyldanǵan.
