Qazaqstandyqtar jaqyn arada kommýnaldyq qyzmet aqysyn tóleý, azyq-túlik satyp alý jáne ushaq biletin rásimdeý siiaqty kúndelikti qarjylyq operatsiialardy jasandy intellektke tapsyra alady, dep habarlaidy ult.kz.
«Informbiýro» baǵdarlamasynyń málimetinshe, Ulttyq bank ókilderiniń aitýynsha, tsifrlyq kómekshige belgili bir somamen shektelgen tólemderdi oryndaýǵa ruqsat berýge bolady. Máselen, kommýnaldyq qyzmet aqysyn tóleý, nesie jarnasyn aýdarý nemese belgilengen baǵa sheginde bilet satyp alý siiaqty tapsyrmalardy oryndai alady. Mundai operatsiialardyń somasy shamamen 50-60 myń teńge bolýy múmkin.
Alaida Ulttyq bank tóraǵasynyń orynbasary Binur Jálenov jasandy intellektke beriletin tapsyrma naqty ári túsinikti bolýy keregin eskertti. Sondai-aq shyǵynnyń shekti mólsheri men operatsiiany toqtatý múmkindigi qarastyrylýy tiis.
«Jaqsy qonaqúi taýyp ber» degen tapsyrma «Ózińe unaǵan qonaqúidiń aqysyn tóle» degendi bildirmeidi. Sol úshin shyǵynnyń shekti somasy men tapsyrmany toqtatý tetigi bolýy qajet», – dedi ol.
Onyń aitýynsha, jasandy intellektke jeke tólem júiesin ashýdyń qajeti joq. Ol qoldanystaǵy bank shottary men kartalaryn paidalana alady.
Bul tehnologiiany aldymen shaǵyn kompaniialar belsendi qoldanýy múmkin. Kásipkerler tsifrlyq kómekshi arqyly aldyn ala kelisilgen tólemderdi júrgizip, taýar satyp alyp, aqyly servisterdiń jazylymyn uzarta alady. Bul qyzmetkerlerdiń ýaqytyn únemdeýge múmkindik beredi.
