قازاقستاندىقتار جاقىن ارادا كوممۋنالدىق قىزمەت اقىسىن تٶلەۋ, ازىق-تٷلٸك ساتىپ الۋ جەنە ۇشاق بيلەتٸن رەسٸمدەۋ سيياقتى كٷندەلٸكتٸ قارجىلىق وپەراتسييالاردى جاساندى ينتەللەكتكە تاپسىرا الادى, دەپ حابارلايدى ult.kz.
«ينفورمبيۋرو» باعدارلاماسىنىڭ مەلٸمەتٸنشە, ۇلتتىق بانك ٶكٸلدەرٸنٸڭ ايتۋىنشا, تسيفرلىق كٶمەكشٸگە بەلگٸلٸ بٸر سومامەن شەكتەلگەن تٶلەمدەردٸ ورىنداۋعا رۇقسات بەرۋگە بولادى. مەسەلەن, كوممۋنالدىق قىزمەت اقىسىن تٶلەۋ, نەسيە جارناسىن اۋدارۋ نەمەسە بەلگٸلەنگەن باعا شەگٸندە بيلەت ساتىپ الۋ سيياقتى تاپسىرمالاردى ورىنداي الادى. مۇنداي وپەراتسييالاردىڭ سوماسى شامامەن 50-60 مىڭ تەڭگە بولۋى مٷمكٸن.
الايدا ۇلتتىق بانك تٶراعاسىنىڭ ورىنباسارى بينۇر جەلەنوۆ جاساندى ينتەللەكتكە بەرٸلەتٸن تاپسىرما ناقتى ەرٸ تٷسٸنٸكتٸ بولۋى كەرەگٸن ەسكەرتتٸ. سونداي-اق شىعىننىڭ شەكتٸ مٶلشەرٸ مەن وپەراتسييانى توقتاتۋ مٷمكٸندٸگٸ قاراستىرىلۋى تيٸس.
«جاقسى قوناقٷي تاۋىپ بەر» دەگەن تاپسىرما «ٶزٸڭە ۇناعان قوناقٷيدٸڭ اقىسىن تٶلە» دەگەندٸ بٸلدٸرمەيدٸ. سول ٷشٸن شىعىننىڭ شەكتٸ سوماسى مەن تاپسىرمانى توقتاتۋ تەتٸگٸ بولۋى قاجەت», – دەدٸ ول.
ونىڭ ايتۋىنشا, جاساندى ينتەللەكتكە جەكە تٶلەم جٷيەسٸن اشۋدىڭ قاجەتٸ جوق. ول قولدانىستاعى بانك شوتتارى مەن كارتالارىن پايدالانا الادى.
بۇل تەحنولوگييانى الدىمەن شاعىن كومپانييالار بەلسەندٸ قولدانۋى مٷمكٸن. كەسٸپكەرلەر تسيفرلىق كٶمەكشٸ ارقىلى الدىن الا كەلٸسٸلگەن تٶلەمدەردٸ جٷرگٸزٸپ, تاۋار ساتىپ الىپ, اقىلى سەرۆيستەردٸڭ جازىلىمىن ۇزارتا الادى. بۇل قىزمەتكەرلەردٸڭ ۋاقىتىن ٷنەمدەۋگە مٷمكٸندٸك بەرەدٸ.
