الماتىنىڭ ورتالىعىنداعى بەس قاباتتى ٷي تۇرعىندارى بٸرنەشە جىلدان بەرٸ كٶرشٸسٸنٸڭ ەرەكەتٸنە شاعىمدانىپ كەلەدٸ. ولاردىڭ ايتۋىنشا, زەينەتكەر پەتەرٸنە تاماق قالدىقتارىن, بٶتەلكەلەر مەن ەسكٸ زاتتاردى جيناپ, ٷيٸن قوقىسقا تولتىرعان. ەندٸ تۇرعىندار سوتقا جٷگٸنبەك, دەپ حابارلايدى ult.kz.
كتك تەلەارناسىنىڭ مەلٸمەتٸنشە, كٶرشٸلەردٸڭ سٶزٸنشە, بٸر بٶلمەلٸ پەتەردە جارىق پەن سۋ جوق. ٷي ٸشٸ لاس ىدىستارعا, شٸرٸگەن قالدىقتار مەن ەسكٸ زاتتارعا تولعان. تۇرعىندار ەيەلمەن بٸرنەشە رەت سٶيلەسۋگە تىرىسقانىمەن, نەتيجە بولماعان. كەرٸسٸنشە, ولاردىڭ ەسٸك الدىنا ٶلٸ كٶگەرشٸندەر مەن قوقىس تاستالعان.
«ونىمەن كەلٸسۋ مٷمكٸن ەمەس. بٸز سٶيلەسكەننەن كەيٸن كەلەسٸ كٷنٸ ەسٸگٸمٸزدٸڭ الدىنا ٶلٸ قۇستاردى نەمەسە قوقىس سالىنعان قوراپتاردى تاستاپ كەتەتٸن», – دەيدٸ كٶرشٸسٸ تاتيانا گەراسيمەنكو.
تۇرعىنداردى پەتەردٸڭ سانيتارلىق جاعدايىمەن قاتار, ٶرت قاۋٸپسٸزدٸگٸ دە الاڭداتادى. ولاردىڭ ايتۋىنشا, بۇعان دەيٸن ٷيدە ٶرت بولعان.
كٶرشٸلەر پوليتسييا مەن ەكٸمدٸككە بٸرنەشە رەت شاعىمدانعان. الايدا قالالىق قىزمەت ٶكٸلدەرٸ پەتەر يەسٸنٸڭ رۇقساتىنسىز ٷيگە كٸرە المايتىنىن ايتقان.
زاڭگەر گاۋحار سەلٸمبەكوۆا تۇرعىندارعا ورتاق تالاپ-ارىزبەن سوتقا جٷگٸنۋگە كەڭەس بەردٸ. سوت ارقىلى پەتەر يەسٸن جينالعان قوقىستى شىعارۋعا مٸندەتتەۋگە بولادى.
جۋرناليستەر ارالاسقاننان كەيٸن ەكٸمدٸك كوممۋنالدىق قىزمەت ماماندارىن جٸبەرٸپ, پەتەر تەرەزەسٸنٸڭ استىنداعى قوقىستى تازالاتقان. دەگەنمەن كٶرشٸلەر بۇل مەسەلە قايتا قايتالانۋى مٷمكٸن دەپ قاۋٸپتەنەدٸ.
