Shymkentte TikTok jelisindegi tikelei efir kezinde bylapyt sóz aityp, ádepsiz áreketter kórsetken úsh boijetken ákimshilik jaýapkershilikke tartyldy. Olardyń ekeýi bes táýlikke qamalsa, úshinshisine aiyppul salyndy, dep habarlaidy ult.kz.
«Informbiýro» baǵdarlamasynyń málimetinshe, politsiia qyzdardyń áreketin áleýmettik jelilerge júrgizilgen monitoring barysynda anyqtaǵan. Olar tikelei efirde balaǵat sózder aityp, kalian shekken.
Quqyqbuzýshylyqqa qatysy bar 18, 19 jáne 20 jastaǵy úsh boijetken politsiia bólimine jetkizildi. Olarǵa «Usaq buzaqylyq» baby boiynsha ákimshilik hattama toltyryldy.
Sot sheshimimen eki qyz bes táýlikke ákimshilik qamaqqa alynsa, úshinshisine aiyppul salyndy.
