Qostanaida jergilikti turǵynnan 17 million teńge talap etken eki er adam ustaldy. Olar jábirlenýshini kúsh qoldanýmen qorqytyp, aqsha bopsalady degen kúdikke ilingen, dep habarlaidy ult.kz.
Oblystyq politsiia departamentiniń málimetinshe, buryn sottalǵan eki azamat qyrkúiek aiynan beri jábirlenýshiden aqsha talap etip kelgen. Olar oǵan kúsh qoldanatynyn aityp qorqytyp, jalpy somasy 17 million teńge berýdi talap etken.
28 qazanda kúdiktiler 4,4 million teńgeni alyp jatqan jerinde ustaldy. Operatsiiany QR IIM Ekstremizmge qarsy is-qimyl departamentiniń qyzmetkerleri oblystyq politsiia departamentiniń Uiymdasqan qylmysqa qarsy kúres basqarmasy jáne «Búrkit» arnaiy bólimshesimen birlesip júrgizgen.
Tintý kezinde 4,4 million teńge, Kia Sportage avtokóligi jáne uialy telefondar tárkilendi.
Qazir eki kúdikti de tergeý izoliatoryna qamaldy. Olardyń áreketi aldyn ala sóz bailasý arqyly adamdar tobymen jasalǵan bopsalaý retinde saralanǵan.
Sotqa deiingi tergeý jalǵasyp jatyr. Oqiǵanyń ózge de mán-jaiy anyqtalýda.
