2026 jyly Abai atyndaǵy ádebiet pen óner salasyndaǵy memlekettik syilyq berilmeidi. Komissiia músheleri baiqaýǵa usynylǵan jeti jumystyń eshqaisysy boiynsha ortaq sheshimge kele almaǵan. Bul týraly Mádeniet jáne aqparat ministrligi habarlady, dep habarlaidy ult.kz.
Abai atyndaǵy memlekettik syilyqty berý jónindegi komissiianyń qorytyndy otyrysy vitse-prezident Erlan Qarinniń tóraǵalyǵymen ótti.
Jiynda Mádeniet jáne aqparat ministri Arman Qyryqbaev konkýrstyń ekinshi kezeńine ótken týyndylardy qoǵamdyq talqylaý qorytyndysyn tanystyrdy.
Ziialy qaýym ókilderinen quralǵan komissiia ádebiet, mýzyka, teatr jáne beineleý óneri baǵyttary boiynsha usynylǵan jeti jumysty qarady.
"Daýys berý nátijesinde komissiia músheleri usynylǵan týyndylar jóninde ortaq sheshimge kele almady. Osyǵan bailanysty biyl Abai atyndaǵy memlekettik syilyq berilmeitin boldy", - dep habarlady ministrlik.
Otyrys barysynda baiqaý júiesin jetildirý máselesi de kóterildi. Atap aitqanda, jumystardy baǵalaý talaptaryn qaita qaraý, saraptamalyq súiemeldeý tetikterin jetildirý jáne konkýrstyq irikteý rásimderin júieleý usynyldy.
