Qazaqstandaǵy «Kitap oqityn ult» marafonyna 1,4 millionnan astam adam qatysyp jatyr. Oqylǵan kitaptar týraly pikirler sany boiynsha Aqtóbe oblysy alda keledi, dep habarlaidy ult.kz.
Qazaqstan Respýblikasy Mádeniet jáne aqparat ministrliginiń málimetinshe, marafonǵa mektep oqýshylary, stýdentter, pedagogter, memlekettik qyzmetshiler, eńbek ujymdary men basqa da azamattar qatysyp jatyr.
Platformada kitap týraly pikir jazǵandar eń kóp óńirler:
- Aqtóbe oblysy – 25 557 pikir;
- Soltústik Qazaqstan oblysy – 14 249 pikir;
- Qyzylorda oblysy – 14 037 pikir.
Soltústik Qazaqstan oblysynda marafonǵa tirkelgen 20 myńǵa jýyq qatysýshynyń 14 myńnan astamy oqyǵan kitaptary týraly pikir qaldyrǵan. Bul óńirdegi qatysýshylardyń shamamen 75 paiyzyna teń.
Al áleýmettik jelilerde oqylǵan shyǵarmalar týraly beinepikir jariialaý boiynsha Astana men Jambyl oblysy alda keledi. Elordada 3 myńǵa jýyq beinejazba jariialansa, Jambyl oblysynda bul kórsetkish 1 699-ǵa jetken.
Qazir joba aiasynda qazaq jáne orys tilderindegi 345 ádebi shyǵarmadan turatyn biryńǵai tizim jasalǵan. Qatysýshylar oqyǵan kitaptary týraly pikirlerin reading-nation.kz platformasynda jariialai alady.
Marafonnyń aralyq nátijeleri Astanada Mádeniet jáne aqparat ministri Arman Qyryqbaevtyń tóraǵalyǵymen ótken keńeste talqylandy. Jiynda aýyl turǵyndaryn jobaǵa tartý, kitaptardyń qoljetimdiligin arttyrý jáne oqýdy nasihattaityn jańa bastamalardy iske qosý máseleleri qaraldy.
