قازاقستانداعى «كٸتاپ وقيتىن ۇلت» مارافونىنا 1,4 ميلليوننان استام ادام قاتىسىپ جاتىر. وقىلعان كٸتاپتار تۋرالى پٸكٸرلەر سانى بويىنشا اقتٶبە وبلىسى الدا كەلەدٸ, دەپ حابارلايدى ult.kz.
قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ مەلٸمەتٸنشە, مارافونعا مەكتەپ وقۋشىلارى, ستۋدەنتتەر, پەداگوگتەر, مەملەكەتتٸك قىزمەتشٸلەر, ەڭبەك ۇجىمدارى مەن باسقا دا ازاماتتار قاتىسىپ جاتىر.
پلاتفورمادا كٸتاپ تۋرالى پٸكٸر جازعاندار ەڭ كٶپ ٶڭٸرلەر:
- اقتٶبە وبلىسى – 25 557 پٸكٸر;
- سولتٷستٸك قازاقستان وبلىسى – 14 249 پٸكٸر;
- قىزىلوردا وبلىسى – 14 037 پٸكٸر.
سولتٷستٸك قازاقستان وبلىسىندا مارافونعا تٸركەلگەن 20 مىڭعا جۋىق قاتىسۋشىنىڭ 14 مىڭنان استامى وقىعان كٸتاپتارى تۋرالى پٸكٸر قالدىرعان. بۇل ٶڭٸردەگٸ قاتىسۋشىلاردىڭ شامامەن 75 پايىزىنا تەڭ.
ال ەلەۋمەتتٸك جەلٸلەردە وقىلعان شىعارمالار تۋرالى بەينەپٸكٸر جارييالاۋ بويىنشا استانا مەن جامبىل وبلىسى الدا كەلەدٸ. ەلوردادا 3 مىڭعا جۋىق بەينەجازبا جارييالانسا, جامبىل وبلىسىندا بۇل كٶرسەتكٸش 1 699-عا جەتكەن.
قازٸر جوبا اياسىندا قازاق جەنە ورىس تٸلدەرٸندەگٸ 345 ەدەبي شىعارمادان تۇراتىن بٸرىڭعاي تٸزٸم جاسالعان. قاتىسۋشىلار وقىعان كٸتاپتارى تۋرالى پٸكٸرلەرٸن reading-nation.kz پلاتفورماسىندا جارييالاي الادى.
مارافوننىڭ ارالىق نەتيجەلەرٸ استانادا مەدەنيەت جەنە اقپارات مينيسترٸ ارمان قىرىقباەۆتىڭ تٶراعالىعىمەن ٶتكەن كەڭەستە تالقىلاندى. جيىندا اۋىل تۇرعىندارىن جوباعا تارتۋ, كٸتاپتاردىڭ قولجەتٸمدٸلٸگٸن ارتتىرۋ جەنە وقۋدى ناسيحاتتايتىن جاڭا باستامالاردى ٸسكە قوسۋ مەسەلەلەرٸ قارالدى.
