"ماقسات احانوۆتى ەشكٸم شەتتەتە المايدى": رينات زايىت ايتىسكەر اقىنعا اراشا تٷستٸ

بەلگٸلٸ ايتىسكەر اقىن, قوعام قايراتكەرٸ رينات زايىت ەرٸپتەسٸ ماقسات احانوۆتىڭ اينالاسىندا تۋىنداعان داۋعا قاتىستى پٸكٸر بٸلدٸردٸ. ول اقىندى ايتىستان شەتتەتۋ تۋرالى ەڭگٸمەنٸ ورىنسىز دەپ سانايتىنىن ايتىپ, ونىڭ ٶنەردەگٸ ورنىن ەرەكشە اتاپ ٶتتٸ, دەپ حابارلايدى ult.kz.

رينات زايىت بۇل تۋرالى Adal ADAM YouTube ارناسىنا بەرگەن سۇحباتىندا ايتتى. ەڭگٸمە بارىسىندا ول ايتىس ٶنەرٸنٸڭ قازٸرگٸ جاعدايىنا توقتالىپ, ماقسات احانوۆقا قاتىستى داۋعا ٶز كٶزقاراسىن بٸلدٸردٸ.

اقىننىڭ ايتۋىنشا, ايتىسكەردٸ ٶنەردەن شەتتەتۋ ٷشٸن ونىڭ ەرەكەتٸندە ەلەۋلٸ زاڭبۇزۋشىلىق بولۋى كەرەك. ال ماقسات احانوۆتىڭ سٶزٸنەن مۇنداي جاعدايدى بايقاماعانىن جەتكٸزدٸ.

"قازٸر ايتىسكەر اقىندى مەملەكەتتٸڭ ار-نامىسىنا تيەتٸن, ۇلتارازدىقتى تۋدىراتىن نەرسە ايتسا, شەتتەتۋگە بولادى. ماقسات احانوۆ نە ٸستەدٸ? ول بٸر ادامعا تيەتٸن سٶز ايتقان جوق. "ادايدىڭ شالدارى" دەگەندٸ كٷندەلٸكتٸ قولدانىستا ماڭعىستاۋدىڭ جٸگٸتتەرٸ دە ماقتانىشپەن ايتادى", – دەدٸ رينات زايىت.

ول ماقسات احانوۆتىڭ ايتىستاعى سٶزدەرٸن كٶرگەندە كەرٸسٸنشە قىزىعۋشىلىق تانىتقانىن جاسىرمادى. تٸپتٸ سول سەتتە ٶزٸنٸڭ جاستىق شاعىن ەسكە الىپ, ەزٸلمەن جاۋاپ بەرگەن.

"مەن سول ۆيدەونى كٶرگەندە قايتا قىزىقتىم. وسىلاي ەركەلەپ جٷرە بەرۋ كەرەك ەدٸ, شٸركٸن", – دەپ اقىن كٷلٸپ الدى.

رينات زايىتتىڭ پٸكٸرٸنشە, ماقسات احانوۆتى ايتىستان شەتتەتۋ تۋرالى ەڭگٸمەنٸڭ ٶزٸ ورىنسىز. ول مۇنداي جاعدايدا شىعارماشىلىق ۇيىمدار اقىندى جازالاۋدىڭ ەمەس, قورعاۋدىڭ جولىن قاراستىرۋى كەرەك دەپ ەسەپتەيدٸ.

"ماقسات احانوۆتى بٸرەۋ شەتتەتەدٸ, ٷيتەدٸ-بٷيتەدٸ دەگەن بوس سٶز. ول ەڭگٸمەنٸ بٸزدٸڭ وداق تٸپتەن شىعارماي-اق تا قويۋى كەرەك ەدٸ. كەرٸسٸنشە, ولار ماقساتتى قورعاپ قالۋلارى كەرەك ەدٸ. بٸراق قۇدايعا شٷكٸر, ماقساتتىڭ حالقى, ەرٸپتەستەرٸ بار. ماقساتتى ەشكٸم شەتتەتە المايدى", – دەدٸ ول.

سونىمەن قاتار رينات زايىت ەرٸپتەسٸنٸڭ ايتىس ٶنەرٸنە قوسقان ٷلەسٸن جوعارى باعالادى. ونىڭ سٶزٸنشە, ماقسات احانوۆ – كٶرەرمەننٸڭ ايتىسقا دەگەن قىزىعۋشىلىعىن ساقتاپ جٷرگەن تالانتتاردىڭ بٸرٸ.

"ماقسات احانوۆتى شەتتەتۋ دەگەن قايدا ول? "ماقسات ايتىستىڭ اۋديتوريياسىنىڭ ەشقايدا كەتٸپ قالماۋىنا تٸكەلەي ەسەر ەتٸپ جٷرگەن ەرەكشە دارىن يەسٸ", – دەپ تٷيٸندەدٸ اقىن.

وسىلايشا, رينات زايىت ەرٸپتەسٸنە قولداۋ بٸلدٸرٸپ, ايتىسكەرلەردٸڭ شىعارماشىلىق ەركٸندٸگٸ مەن ٶنەردەگٸ بەدەلٸن قورعاۋ ماڭىزدى ەكەنٸن جەتكٸزدٸ.

رينات زايىتوۆ كٸم?

رينات ريفحاتۇلى زايىتوۆ – بەلگٸلٸ ايتىسكەر اقىن, قوعام قايراتكەرٸ جەنە قازاقستان رەسپۋبليكاسى پارلامەنتٸ مەجٸلٸسٸنٸڭ بۇرىنعى دەپۋتاتى. ول 1984 جىلى 14 قاراشادا قازٸرگٸ اباي وبلىسى اياگٶز اۋدانىنا قاراستى ٶركەن اۋىلىندا دٷنيەگە كەلگەن.

سەمەي قالاسىنداعى مۇقان تٶلەباەۆ اتىنداعى كوللەدجدە دراما اكتەرٸ ماماندىعى بويىنشا بٸلٸم العان. كەيٸن سەمەي پەداگوگيكالىق ينستيتۋتىندا قازاق تٸلٸ مەن ەدەبيەتٸ پەنٸنٸڭ مۇعالٸمٸ ماماندىعىن مەڭگەرگەن. سونداي-اق قازاق قاتىناس جولدارى ۋنيۆەرسيتەتٸندە "بيزنەس جەنە باسقارۋ" باعىتى بويىنشا ماگيستر دەرەجەسٸن العان.

ەڭبەك جولىن 2001 جىلى سەمەيدەگٸ "داريعا-اي" جاستار تەاترىندا اكتەر بولىپ باستاعان. 2008–2010 جىلدارى اتالعان تەاتردىڭ كٶركەمدٸك جەتەكشٸسٸ قىزمەتٸن اتقارعان.

2021–2023 جىلدارى الماتىداعى «الاتاۋ» دەستٷرلٸ ٶنەر تەاترىنىڭ ديرەكتورى بولعان.