Chernogoriia men Resei arasynda vizalyq tártipke qatysty ózara shekteýler engizildi. 1 qarashadan bastap Chernogoriia reseilikter úshin vizasyz rejimdi toqtatsa, Máskeý 30 jeltoqsannan bastap Chernogoriia azamattaryna da viza talap etpek, dep habarlaidy ult.kz.
Buǵan deiin Chernogoriia Resei, Belarýs, Qytai, Saýd Arabiiasy jáne Túrkiia azamattary úshin vizasyz kirý tártibin joiǵan bolatyn. El úkimeti bul sheshimdi Eýropalyq odaqqa kirýge daiyndyqpen túsindirdi. Atap aitqanda, Chernogoriia vizalyq saiasatyn EO talaptaryna sáikestendirýi kerek.
Máskeý Podgoritsanyń bul sheshimine jaýap retinde ózara shara qabyldady. Reseidiń Chernogoriiadaǵy elshiliginiń habarlaýynsha, 30 jeltoqsannan bastap Chernogoriia azamattary Reseige barý úshin viza alýy tiis. Jańa talap pasporttyń barlyq túrin ustaýshylarǵa qoldanylady.
Al Chernogoriiaǵa baratyn reseilikter úshin viza quny eresekterge 35 eýro, 14 jasqa tolmaǵan balalarǵa 17,5 eýro bolady.
Osylaisha, eki el arasyndaǵy burynǵy vizasyz qatynas tártibi toqtap, azamattardyń sapary qosymsha rásimderge táýeldi bolmaq.
