Qazaqstandyqtar politsiiaǵa kún saiyn 12-15 myń ret habarlasady. Jyl basynan beri 102 jedel jelisine 4 million 117 myńnan astam ótinish túsken, dep habarlaidy ult.kz.
Politsiianyń málimetinshe, 102 nómiri – azamattardyń ishki ister organdaryna habarlasatyn negizgi arnalarynyń biri. Kelip túsken barlyq qońyraý aqparattyq júiede avtomatty túrde tirkeledi. Ár habarlama boiynsha politsiianyń tiisti bólimsheleri shara qabyldaidy.
Sonymen qatar turǵyndar politsiiaǵa tek 102 nómiri arqyly ǵana emes, birneshe qosymsha arna arqyly da júgine alady. Olardyń qatarynda «Police 102» mobildi qosymshasy, «SOS» dabyl túimesi, ótinish qabyldaýdyń omnikanaldy júiesi jáne «Zań jáne tártip» servisi bar.
Bul servister arqyly azamattar oqiǵalar men quqyq buzýshylyqtar týraly jedel habarlai alady. Ótinishter oqiǵanyń sipaty men bolǵan jerine qarai tiisti politsiia bólimshelerine joldanady.
