Qazaqstan musylmandary dini basqarmasy qaitys bolǵan adamdardyń beinesin jasandy intellekt arqyly jandandyrýǵa qatysty pikir bildirdi. Múftiiat mundai áreketke qoldaný maqsatyna qarai ruqsat beriletinin, alaida marqumǵa aitpaǵan sózderdi aitqyzyp, jalǵan aqparat taratýǵa qatań tyiym salynatynyn málimdedi, dep habarlaidy ult.kz.
Basqarmanyń túsindirýinshe, marqumnyń beinesin saǵynyshpen eske alý, kóńil jubatý maqsatynda jandandyrý shariǵatqa qaishy emes.
Alaida mundai tehnologiia adamnyń ótken shaqqa bailanyp qalýyna, qaiǵysyn kúsheitýine nemese rýhani ziian shegýine sebep bolsa, ony qoldanýǵa bolmaidy.
Sondai-aq marqumnyń atynan jalǵan sóz aitýǵa, aqparat taratýǵa jáne onyń beinesin kommertsiialyq jarnamada paidalanyp, adamdardy aldaýǵa tyiym salynady.
Múftiiat mundai áreketter adamnyń ar-namysy men jaqyndarynyń sezimine nuqsan keltirip qana qoimai, ózgelerdi aldaýǵa da ákelýi múmkin ekenin atap ótti.
