3 قاراشادا قازاقستاننىڭ باسىم بٶلٸگٸندە جاۋىن-شاشىنسىز اۋا رايى ساقتالادى. الايدا شىعىس ٶڭٸرلەردە قار جاۋىپ, كەي جەرلەردە جاۋىن-شاشىن كٷشەيەدٸ, دەپ حابارلايدى ult.kz.
استانادا جاۋىن-شاشىن كٷتٸلمەيدٸ, تٷندە جەنە تاڭەرتەڭ تۇمان تٷسەدٸ. اۋا تەمپەراتۋراسى تٷندە −3…−1°C, كٷندٸز +4…+6°C بولادى. باتىستان سەكۋندىنا 2–7 مەتر جىلدامدىقپەن جەل سوعادى.
الماتىدا كٷن الا بۇلتتى, جاۋىن-شاشىنسىز ٶتەدٸ. تٷندە +2…+4°C, كٷندٸز +14…+16°C جىلى بولادى. سولتٷستٸك-شىعىستان, شىعىستان سوعاتىن جەلدٸڭ جىلدامدىعى سەكۋندىنا 3–8 مەترگە جەتەدٸ. شىمكەنتتە دە جاۋىن-شاشىن كٷتٸلمەيدٸ: تٷندە +6…+8°C, كٷندٸز +19…+21°C. سولتٷستٸك-شىعىستان سەكۋندىنا 5–10 مەتر جەل سوعادى.
سينوپتيكتەر رەسپۋبليكا اۋماعىندا جەلدٸڭ كٷشەيۋٸن, تٷنگٸ جەنە تاڭعى ۋاقىتتا تۇمان تٷسۋٸن بولجايدى. ەلدٸڭ قالعان بٶلٸگٸندە اۋا تەمپەراتۋراسى ايتارلىقتاي ٶزگەرمەيدٸ.
شىعىس ٶڭٸرلەردە قار مەن كٶكتايعاق جول قوزعالىسىن قيىنداتۋى مٷمكٸن. ال تۇمان تٷسكەن اۋماقتاردا كٶرٸنۋ قاشىقتىعى تٶمەندەيدٸ. سوندىقتان جٷرگٸزۋشٸلەرگە جىلدامدىقتى ازايتىپ, كٶلٸكتەر اراسىنداعى قاۋٸپسٸز اراقاشىقتىقتى ساقتاعان جٶن.
