Shymkentte kópqabatty turǵyn úidiń aýlasynan 22 jastaǵy jigittiń máiiti tabyldy. Oqiǵa ornynan túsirilgen video áleýmettik jelilerde tarady, dep habarlaidy ult.kz.
Beinejazbada oqiǵanyń Qonaev dańǵyly men Rysqulov kóshesiniń qiylysyndaǵy turǵyn úi kesheninde bolǵany aitylady. Kadrlardan oqiǵa ornyna politsiia qyzmetkerleriniń kelgenin kórýge bolady.
Osy jaǵdaiǵa bailanysty Shymkent qalalyq politsiia departamenti túsinikteme berdi.
Vedomstvonyń habarlaýynsha, qaiǵyly oqiǵa 1 qarashada «BIIK» turǵyn úi kesheninde bolǵan. 22 jastaǵy er adam biiktikten qulap, oqiǵa ornynda kóz jumǵan.
Politsiia atalǵan derek boiynsha qylmystyq is qozǵaǵan. Qazir sotqa deiingi tergeý amaldary júrgizilip, oqiǵanyń mán-jaiy anyqtalyp jatyr.
QR Qylmystyq-protsestik kodeksiniń 201-babyna sáikes, tergeý barysy týraly ózge aqparat jariia etilmeidi.
