Akter Oljas Abai áleýmettik jelidegi paraqshasynda óz anasy men enesiniń fotosyn bólisip, olarǵa jyly lebizin bildirdi, dep habarlaidy ult.kz.

Óner iesi sýretke qysqa ǵana «Eki anam» degen jazba qaldyrǵan. Osy sózderi arqyly akter ózin dúniege ákelgen anasy men Dariǵa Badyqovanyń anasyn birdei jaqyn kóretinin ańǵartty.

Aita keteiik, Oljas Abai men aktrisa Dariǵa Badyqova biyl qazan aiynda shańyraq kóterdi. Qos óner iesi qýanyshty jańalyǵyn áleýmettik jelide jariialaǵan. Oljas Abai saltanatty sátten beinejazba bólisip, «Bul joly kino emes…» degen jazba qaldyrǵan. 

Jelide taraǵan qudalyq rásiminiń kadrlarynda akterdiń anasy Jumagúldiń Dariǵaǵa syrǵa taǵyp, batasyn bergenin kórýge bolady. Qýanyshqa eki jaqtyń jaqyndary men dostary qatysqan. Osylaisha, qos óner iesi qarym-qatynastaryna qatysty áńgimelerden keiin otbasyn qurǵandaryn kópshilikke jetkizdi. 

Dariǵa Badyqova da Oljaspen birge túsken fotolaryn jariialap, ár adamnyń óz taǵdyry men baqyty bar ekenin aitqan. Aktrisa jeke ómirine qatysty eshkimge eshteńe dáleldeýge mindetti emes ekenin jetkizip, jurttan aq tilek suraǵan.

Aita keteiik, Oljas Abaidyń jazbasy eldi shýlatty. 

Dariǵa Badyqova kim?

Dariǵa Bolatqyzy Badyqova – qazaqstandyq aktrisa ári prodiýser. Ol 1985 jylǵy 1 jeltoqsanda Jambyl oblysynyń Moiynqum aýylynda dúniege kelgen. Temirbek Júrgenov atyndaǵy Qazaq ulttyq óner akademiiasynda bilim alǵan. Shyǵarmashylyq jolynda rejisser Bolat Atabaevtyń «Aqsarai» mýzykalyq teatrynda eńbek etken. 

Óner iesi kórermenge «Qazaqsha biznes» filmderindegi Maqpal róli arqyly keńinen tanyldy. Keiin akterlik qyzmetpen qatar prodiýserlikke bet buryp, «Taptym-aý seni» komediiasyn usyndy. Bul týyndyda Oljas Abaimen birge basty rólderdi somdady. Filmniń jalǵasy da jaryq kórip, qos akterdiń shyǵarmashylyq seriktestigi jalǵasty. 

Dariǵa Badyqova ánshilik qyrymen de tanys. Ol Oljas Abaimen birge «Sezim úshin» jáne «Óziń barda» ánderin oryndaǵan. Bul shyǵarmalar «Taptym-aý seni» filmderimen bailanysty kórermenge jol tartty.