Qazaqstanda jeke tulǵalardyń shotyna túsetin mobildi aýdarymdar arqyly kásipkerlik tabysty anyqtaý shegi kóterildi. Endi salyq organdary azamattyń aýdarymdaryna nazar aýdarýy úshin úsh aidaǵy jalpy soma 360 AEK-ten, iaǵni 2026 jyly 1 557 000 teńgeden asýy kerek. Bul rette tek osy talaptyń oryndalýy jetkiliksiz, dep habarlaidy ult.kz.
Buǵan deiin kásipkerlik tabysty anyqtaýǵa arnalǵan shekti soma aiyna 12 eń tómengi jalaqyny (1 020 000 teńge) quraǵan. Endi Qarjy ministrliginiń buiryǵyna sáikes, bul kórsetkish 360 ailyq eseptik kórsetkishke deiin ulǵaityldy.
Osylaisha, salyq organdary azamattyń mobildi aýdarymdaryn tekserip, oǵan habarlama jiberýi úshin eki talap qatar oryndalýy tiis:
- úsh ai qatarynan ai saiyn 100 nemese odan da kóp túrli adamnan aqsha túsýi;
- osy úsh aidaǵy aýdarymdardyń jalpy somasy 360 AEK-ten asýy.
Jańa talaptar resmi jariialanǵannan keiin 10 kún ótken soń, iaǵni biyl 11 qarashadan bastap kúshine enedi.
Aita keteiik, týystar arasyndaǵy aqsha aýdarymdary kúmándi operatsiialar qataryna jatqyzylmaidy. Qazaqstandyq bankter 2026 jyldan bastap kásipkerlik belgileri bar mobildi aýdarymdar týraly aqparatty memlekettik organdarǵa toqsan saiyn joldaidy.
