قازاقستاندا جەكە تۇلعالاردىڭ شوتىنا تٷسەتٸن موبيلدٸ اۋدارىمدار ارقىلى كەسٸپكەرلٸك تابىستى انىقتاۋ شەگٸ كٶتەرٸلدٸ. ەندٸ سالىق ورگاندارى ازاماتتىڭ اۋدارىمدارىنا نازار اۋدارۋى ٷشٸن ٷش ايداعى جالپى سوما 360 اەك-تەن, ياعني 2026 جىلى 1 557 000 تەڭگەدەن اسۋى كەرەك. بۇل رەتتە تەك وسى تالاپتىڭ ورىندالۋى جەتكٸلٸكسٸز, دەپ حابارلايدى ult.kz.
بۇعان دەيٸن كەسٸپكەرلٸك تابىستى انىقتاۋعا ارنالعان شەكتٸ سوما ايىنا 12 ەڭ تٶمەنگٸ جالاقىنى (1 020 000 تەڭگە) قۇراعان. ەندٸ قارجى مينيسترلٸگٸنٸڭ بۇيرىعىنا سەيكەس, بۇل كٶرسەتكٸش 360 ايلىق ەسەپتٸك كٶرسەتكٸشكە دەيٸن ۇلعايتىلدى.
وسىلايشا, سالىق ورگاندارى ازاماتتىڭ موبيلدٸ اۋدارىمدارىن تەكسەرٸپ, وعان حابارلاما جٸبەرۋٸ ٷشٸن ەكٸ تالاپ قاتار ورىندالۋى تيٸس:
- ٷش اي قاتارىنان اي سايىن 100 نەمەسە ودان دا كٶپ تٷرلٸ ادامنان اقشا تٷسۋٸ;
- وسى ٷش ايداعى اۋدارىمداردىڭ جالپى سوماسى 360 اەك-تەن اسۋى.
جاڭا تالاپتار رەسمي جارييالانعاننان كەيٸن 10 كٷن ٶتكەن سوڭ, ياعني بيىل 11 قاراشادان باستاپ كٷشٸنە ەنەدٸ.
ايتا كەتەيٸك, تۋىستار اراسىنداعى اقشا اۋدارىمدارى كٷمەندٸ وپەراتسييالار قاتارىنا جاتقىزىلمايدى. قازاقستاندىق بانكتەر 2026 جىلدان باستاپ كەسٸپكەرلٸك بەلگٸلەرٸ بار موبيلدٸ اۋدارىمدار تۋرالى اقپاراتتى مەملەكەتتٸك ورگاندارعا توقسان سايىن جولدايدى.
