Qasym-Jomart Toqaevqa Qarmet bolat balqytý óndirisiniń negizgi býyny sanalatyn konverter tsehy jóninde baiandaldy, dep habarlaidy ult.kz.
Prezidentke domna peshinde balqytylǵan shoiynnyń qalai quryshqa ainalatyny, sodan keiin úzdiksiz quiý qondyrǵysyna jáne odan ári ilemdeýge jiberiletini kórsetildi.
Qarmet kompaniiasy 2024 jyly №1 jáne №2 konverterlerde kúrdeli jóndeý júrgizip, korpýstardy tolyq aýystyrdy jáne anaǵurlym zamanaýi konstrýktsiialar ornatty.
Jańǵyrtý jumystary shyǵarylatyn ónim túrlerin kóbeitip, qorytylǵan bolat kólemin ulǵaitýǵa, qural-jabdyqtardyń senimdiligin arttyrýǵa múmkindik beredi. Sonymen qatar tsehtaǵy birqatar tehnologiialyq úderisti tabiǵi gazǵa kóshirý isi jalǵasyp jatyr.
Qarmet direktorlar keńesiniń tóraǵasy Andrei Lavrentev Memleket basshysyna óndiristik kórsetkishter ósimi jáne investitsiialyq baǵdarlamalardy júzege asyrý barysy týraly esep berdi.
2026 jyldyń qorytyndysy boiynsha 4 million tonna bolat, 3,6 million tonna kómir jáne 3,9 million tonna temir rýdasy kontsentratyn óndirý josparlanyp otyr.
Kompaniia jumysy bastalǵannan beri investitsiia kólemi 2,7 milliardtan asa dollardy qurady. Bul qarajat óndiris qýatyn jańǵyrtýǵa jáne jańa ónerkásiptik nysan salýǵa baǵyttaldy.
Qarmet – elimizdegi tolyq óndiristik tsiklge ie eń iri taý-ken-metallýrgiialyq kompaniiasy. Ortalyq Aziiadaǵy óziniń kómir, temir rýdasy kenishteri jáne energetikalyq bazasy bar, integratsiialanǵan taý-ken-metallýrgiialyq keshen. Kompaniiada shamamen 35 myń eńbekker, sonyń ishinde 14 myńnan astam adam Temirtaýdaǵy metallýrgiia kombinatynda jumys isteidi.
