Astanada turǵyndarǵa ipoteka rásimdep, memlekettik baǵdarlama arqyly páter alyp berýge ýáde etken eki áiel alaiaqtyq jasady degen kúdikpen ustaldy. Olardyń áreketinen azamattarǵa milliondaǵan teńge kóleminde shyǵyn kelgen, dep habarlaidy ult.kz.
Polisia.kz málimetinshe, alǵashqy jaǵdaida 33 jastaǵy elorda turǵyny tanystaryna ipotekany ońai ári jyldam rásimdeýge kómektesetinin aitqan. Onyń ýádesine sengen azamattar aqshalaryn bergen. Alaida qarajatty alǵannan keiin áiel bailanysqa shyqpai qoiǵan. Bul derek boiynsha keltirilgen shyǵyn 3,2 million teńgeni qurady.
Ekinshi jaǵdaida 62 jastaǵy áiel memlekettik baǵdarlama arqyly páter alyp berýge ýáde etip, azamattardyń aqshasyn iemdengen. Bul oqiǵadaǵy shyǵyn kólemi shamamen 3 million teńge bolǵan.
Atalǵan eki derek boiynsha qylmystyq ister qozǵaldy. Qazir politsiia oqiǵanyń mán-jaiyn anyqtap, tergeý amaldaryn júrgizip jatyr.
Quqyq qorǵaý organdary turǵyndardy baspana máselesinde deldaldardyń sózine birden senbeýge shaqyrady. Ásirese ipotekany kedergisiz rásimdeý nemese memlekettik baǵdarlama arqyly páter alyp berý týraly usynystarǵa saqtyqpen qaraý qajet. Aqsha aýdarmas buryn qyzmet kórsetýshiniń zańdy mártebesin jáne usynystyń shynaiylyǵyn teksergen jón.
