20 jyldan astam tájiribesi bar dáriger Qanat Ismail ózine taǵylǵan aiyptarǵa qatysty pikir bildirdi. Onyń aitýynsha, ol balany nebári 15 minýt qarap, qajetti tekserýlerdi taǵaiyndaǵan. Keiin aýysymy aiaqtalǵandyqtan, naýqasty kezekshi dárigerlerge tapsyrǵan, dep habarlaidy ult.kz.
Dáriger balanyń ota jasalýyna qatyspaǵanyn da málimdedi.
Qanat Ismaildyń sózinshe, naýqastyń jaǵdaiyn túsindirýge tyrysqan kezde balanyń ákesi oǵan shabýyl jasaǵan.
Dáriger bul oqiǵadan keiin kásibi qyzmetin jalǵastyrý moraldyq turǵydan qiynǵa soǵyp otyrǵanyn jetkizdi. Onyń aitýynsha, jyldar boiy jinaǵan tájiribesi men atqarǵan eńbegi bir sátte joqqa shyǵarylǵandai sezingen.
Aita keteiik, dárigerge shabýyl jasaǵan áke qamaýǵa alyndy.
