Amerikalyq mýzykant, didjei ári prodiýser Hýan Atkins 64 jasynda qaitys boldy. Qaraly habardy onyń ókili Greensmith Artists agenttigi rastaǵan, dep habarlaidy ult.kz.
Mýzykant Mehikodaǵy YuYu Cine Club sahnasynda óner kórsetýge tiis bolǵan. Alaida kontsert aldynda ony qonaqúi bólmesinen es-tússiz kúide tapqan. Atkins aýrýhanaǵa jetkizilgenimen, dárigerler onyń ómirin saqtap qala almaǵan. Óliminiń naqty sebebi resmi túrde jariialanǵan joq.
Hýan Atkins 1962 jyly Detroitta dúniege kelgen. Ol Derrik Mei jáne Kevin Sondersonmen birge tehno mýzykasynyń qalyptasýyna jol ashqan Belleville Three úshtiginiń ókili retinde tanyldy. Olardyń shyǵarmashylyǵy Detroitty elektrondy mýzykanyń mańyzdy ortalyqtarynyń birine ainaldyrdy.
Atkins Richard Devispen birge Cybotron jobasyn quryp, keiin Model 500 esimimen jeke shyǵarmashylyǵyn jalǵastyrdy. Onyń «Clear» jáne «No UFOs» týyndylary elektrondy mýzyka tarihyndaǵy mańyzdy shyǵarmalar sanalady. Sondai-aq mýzykant Metroplex leibliniń negizin qalap, jańa oryndaýshylar men óz týyndylaryn tanytýǵa múmkindik jasady.
