امەريكالىق مۋزىكانت, ديدجەي ەرٸ پروديۋسەر حۋان اتكينس 64 جاسىندا قايتىس بولدى. قارالى حاباردى ونىڭ ٶكٸلٸ Greensmith Artists اگەنتتٸگٸ راستاعان, دەپ حابارلايدى ult.kz.
مۋزىكانت مەحيكوداعى YuYu Cine Club ساحناسىندا ٶنەر كٶرسەتۋگە تيٸس بولعان. الايدا كونتسەرت الدىندا ونى قوناقٷي بٶلمەسٸنەن ەس-تٷسسٸز كٷيدە تاپقان. اتكينس اۋرۋحاناعا جەتكٸزٸلگەنٸمەن, دەرٸگەرلەر ونىڭ ٶمٸرٸن ساقتاپ قالا الماعان. ٶلٸمٸنٸڭ ناقتى سەبەبٸ رەسمي تٷردە جارييالانعان جوق.
حۋان اتكينس 1962 جىلى دەترويتتا دٷنيەگە كەلگەن. ول دەرريك مەي جەنە كەۆين سوندەرسونمەن بٸرگە تەحنو مۋزىكاسىنىڭ قالىپتاسۋىنا جول اشقان Belleville Three ٷشتٸگٸنٸڭ ٶكٸلٸ رەتٸندە تانىلدى. ولاردىڭ شىعارماشىلىعى دەترويتتى ەلەكتروندى مۋزىكانىڭ ماڭىزدى ورتالىقتارىنىڭ بٸرٸنە اينالدىردى.
اتكينس ريچارد دەۆيسپەن بٸرگە Cybotron جوباسىن قۇرىپ, كەيٸن Model 500 ەسٸمٸمەن جەكە شىعارماشىلىعىن جالعاستىردى. ونىڭ «Clear» جەنە «No UFOs» تۋىندىلارى ەلەكتروندى مۋزىكا تاريحىنداعى ماڭىزدى شىعارمالار سانالادى. سونداي-اق مۋزىكانت Metroplex لەيبلٸنٸڭ نەگٸزٸن قالاپ, جاڭا ورىنداۋشىلار مەن ٶز تۋىندىلارىن تانىتۋعا مٷمكٸندٸك جاسادى.
