4 qarashada Qazaqstan boiynsha telearnalar men radiostantsiialardyń habar taratýy ýaqytsha toqtatylady. Josparly profilaktikalyq jumystarǵa bailanysty úzilis 14 saǵatqa sozylady. Bul týraly «Qazteleradio» kompaniiasy habarlady, dep habarlaidy ult.kz.
Tehnikalyq jumystar búkil el aýmaǵyndaǵy spýtniktik, tsifrlyq efirlik jáne analogtyq teleradio habarlaryn taratý jelilerin qamtidy.
Osyǵan bailanysty habar taratý Astana ýaqytymen saǵat 03:00-den 17:00-ge deiin toqtatylady.
Kompaniianyń málimetinshe, profilaktikalyq jumystar teleradio jelileriniń turaqty jumysyn qamtamasyz etý jáne tehnikalyq jabdyqtardy tekserý maqsatynda júrgiziledi.
