Ózbekstan astanasy Tashkentte tamaqtan ýlanǵan Qaraǵandy fýtbol komandasynyń 11 jas oiynshysy aýrýhanaǵa jatqyzyldy. Jalpy meditsinalyq kómekke 19 qazaqstandyq júgingen. Qazaqstannyń Ózbekstandaǵy elshisi balalar men olardyń ata-analarynyń jaǵdaiyn bildi, dep habarlaidy ult.kz.
Elshiliktiń baspasóz qyzmetiniń málimetinshe, elshiliktiń jedel jelisine qońyraý túsken sátten bastap konsýl Sáken Perdebekov dereý aýrýhanaǵa baryp, olarǵa qajetti konsýldyq kómek kórsetip jatyr.
Qaraǵandylyq fýtbol komandasy Ózbekstanǵa Dostlik Cup 2026 festivaline qatysý úshin barǵan. Alaida qonaqúide balalar men eresekterdiń densaýlyǵy syr berip, ýlaný belgileri baiqalǵan.
Oqiǵa týraly habar túsken boida Qazaqstan konsýly Sáken Perdebekov aýrýhanaǵa baryp, zardap shekkenderge konsýldyq kómek kórsete bastaǵan.
Qazirgi ýaqytta Tashkenttegi №5 qalalyq klinikalyq infektsiialyq aýrýhanaǵa 17 adam jatqyzylǵan. Olardyń 11-i bala, altaýy – eresek adam. Taǵy eki adam meditsinalyq kómek alǵan. Zardap shekkenderdiń jaǵdaiy turaqty, dárigerler baqylaýynda.
Oqiǵa Qazaqstannyń densaýlyq saqtaý ministri Aqmaral Álnazarova men Ózbekstan densaýlyq saqtaý ministriniń birinshi orynbasary Otabek Imamovtyń baqylaýynda.
Balalarǵa kómek kórsetýge Tashkent meditsinalyq ýniversitetiniń professorlary, sanitariialyq-epidemiologiialyq qyzmet mamandary jáne basqa da beiindi sarapshylar tartylǵan. Týrnir uiymdastyrýshylary da zardap shekkenderge qajetti qoldaý kórsetip jatyr.
