Soltústik Qazaqstan oblysynda quny 5 mlrd teńge bolatyn túiirshiktelgen jońyshqa óndiretin zaýyttyń qurylysyn jalǵastyrýǵa múmkindik týdy. Jobaǵa kedergi bolǵan elektrmen jabdyqtaý máselesin aýdan prokýratýrasy sheshýge yqpal etti, dep habarlaidy ult.kz.
Qyzyljar aýdanynda salynyp jatqan «Salar Farm» JShS zaýytynyń qurylysy nysandy elektr jelisine qosý qajettiligine bailanysty tejelgen. Óndiris ornyn iske qosý úshin ony Báiterek aýylynyń mańyndaǵy qosalqy stantsiiaǵa qosý qajet bolǵan.
Investitsiialyq jobany súiemeldeý barysynda máseleni anyqtaǵan aýdan prokýratýrasy aýdan ákimdigine nysandy elektr jelisine qosýǵa járdemdesý týraly hat joldady. Nátijesinde «Bear Injiniring» JShS elektrmen jabdyqtaý jumystaryn aiaqtap, zaýytty qajetti infraqurylymmen qamtamasyz etti.
Osylaisha, jobany iske asyrýǵa kedergi bolǵan másele sheshilip, zaýyt qurylysyn odan ári jalǵastyrýǵa jaǵdai jasaldy.
Oblystyq prokýratýra investorlardyń quqyqtaryn qorǵaý jáne investitsiialyq jobalardy júzege asyrýǵa kedergi keltiretin ákimshilik tosqaýyldardy joiý jumystaryn jalǵastyryp jatyr.
