Byltyr mamyr aiynda janjal kezinde er adam áieline balalardyń kózinshe 39 ret pyshaq suqqan. Osydan keiin ol ózine qol jumsamaq bolǵanymen, aman qalǵan, dep habarlaidy ult.kz.
Sot otyrysynda aiyptalýshy qylmysty affekt jaǵdaiynda jasaǵanyn jáne bolǵan oqiǵany tek aýrýhanada esin jiǵannan keiin túsingenin málimdedi. Alaida sot bul ýájdi qabyldamady.
Burynǵy politsei azamattyq nekedegi áielin asa qatygezdikpen óltirgeni úshin kináli dep tanylyp, 15 jylǵa bas bostandyǵynan aiyryldy. Ol jazasyn ortasha qaýipsizdik mekemesinde óteidi. Sonymen qatar sottalǵan azamattan marqumnyń otbasynyń paidasyna moraldyq ziian úshin 10 million teńge ótemaqy óndirildi.
Erli-zaiyptynyń artynda úsh balasy qaldy. Marqumnyń týystary sottalýshyǵa ómir boiyna bas bostandyǵynan aiyrý jazasyn taǵaiyndaýdy suraǵan. Degenmen sot úkimi jariialanǵannan keiin olar qabyldanǵan sheshimge kóńilderi tolatynyn jetkizdi.
