IIM Aqmola jáne Qaraǵandy oblystarynda kúshti áser etetin preparattardy zańsyz taratqan eki qylmystyq toptyń jolyn kesti. Operatsiia barysynda 21 adam ustalyp, 50 myńnan astam quty «Tropikamed» tárkilendi, dep habarlaidy ult.kz.
IIM málimetinshe, qazan aiynda Kókshetaý, Shýchinsk jáne «Býrabai» kýrorttyq aimaǵynda preparattardy jetkizý men satýmen ainalysqan toptyń 11 múshesi ustalǵan. Olardyń arasynda farmatsevtikalyq kompaniialardyń ieleri men qyzmetkerleri, kýrerler de bar.
Tintý kezinde «Tropikamedtiń» 50 myńnan astam qutysy jáne ózge de preparattardyń shamamen 4 myń birligi, atys qarýy, oq-dáriler, kólikter men iri kólemdegi aqsha tárkilengen.
Osyndai operatsiia Qaraǵandy men Temirtaýda da júrgizilip, jergilikti qylmystyq orta ókilderi bar 10 adam ustalǵan. Olar kúshti áser etetin preparattardy zańsyz satýǵa qatysy bar degen kúdikke ilindi.
Qazir eki derek boiynsha sotqa deiingi tergep-tekserý júrgizilip jatyr.
