Astanada tanysyn qylmystyq jaýaptylyqtan bosatýǵa kómektesemin dep 27 mln teńge men 30 myń dollar alǵan er adamǵa sot úkimi shyqty. Ol alaiaqtyq jasaǵany úshin 6 jyl 10 aiǵa bas bostandyǵynan aiyryldy, dep habarlaidy ult.kz.
Astana qalasynyń qylmystyq ister jónindegi aýdanaralyq sotynyń málimetinshe, sottalýshy tanysynyń qylmystyq isine qatysty jaǵdaidy paidalanyp, onyń týystaryna kómektesýge ýáde bergen. Ol istiń oń sheshilýine yqpal ete alatynyn aityp, aldymen 27 mln teńge alǵan.
Alaida jábirlenýshiniń tanysy 2 jyl 6 aiǵa sottalǵan. Osydan keiin alaiaq apelliatsiialyq sotta ony aqtap alýǵa kómektesetinin aityp, taǵy 30 myń dollar talap etken. Aqsha eki bólek tólemmen berilgen.
Osylaisha, sottalýshy jalpy 27 mln teńge men 30 myń dollardy iemdengen. Keiin jábirlenýshige 39 mln teńgeden astam qarajat qaitarylǵan.
Sotta prokýror 8 jyl bas bostandyǵynan aiyrýdy surasa, aiyptalýshy kinásin moiyndamai, ózin aqtaýdy talap etken.
Sot onyń asyraýynda kámeletke tolmaǵan balalary baryn jáne shyǵynnyń bir bóligin ótegenin eskerdi. Degenmen qylmysty qaitalap jasaýy jazany aýyrlatatyn mán-jai retinde tanyldy.
Nátijesinde oǵan 6 jyl 10 ai merzimge bas bostandyǵynan aiyrý jazasy taǵaiyndaldy. Jábirlenýshiniń azamattyq talaby qanaǵattandyryldy.
Sot úkimi ázirge zańdy kúshine engen joq.
