Shymkentte esirtkini dronnyń kómegimen taratyp, jasyryn oryndarǵa qaldyryp júrgen er adam ustaldy. Kúdiktiniń kóliginen 150 gramnan astam mefedron tárkilendi, dep habarlaidy ult.kz.
Qalalyq politsiia departamentiniń málimetinshe, kúdiktiniń zańsyz áreketi ushqyshsyz ushý apparaty arqyly júrgizilgen baqylaý kezinde anyqtalǵan.
Keiin politseiler onyń avtokóligin tekserip, ishinen psihotroptyq zat salynǵan 48 orama tapqan. Tárkilengen mefedronnyń jalpy salmaǵy 150 gramnan asady.
Atalǵan derek boiynsha qylmystyq is qozǵaldy. Kúdikti qamaýǵa alyndy. Qazir oqiǵanyń mán-jaiyn anyqtaý maqsatynda tergeý amaldary júrgizilip jatyr.
