Almatyda 27 ǵimarat pen qalalyq nysannyń tarihi, sáýlettik jáne mádeni qundylyǵy tekseriledi. Olardyń qatarynda QazUÝ rektoraty, Ortalyq ámbebap dúkenniń (TsÝM) eski korpýsy, «Atakent» kórme ortalyǵynyń kireberis arkasy men Respýblika alańy bar. Mamandar atalǵan nysandardyń qaisysyna tarihi eskertkish mártebesin berý kerektigin anyqtaidy, dep habarlaidy ult.kz.
Qala ákimdiginiń málimetinshe, alǵashqy kezeńde zertteýge 27 nysan iriktelgen. Olardyń qatarynda:
Satbayev University-diń bas oqý korpýsy;
ál-Farabi atyndaǵy QazUÝ rektoraty;
Ulttyq bank ǵimaraty;
Abylai han dańǵylyndaǵy burynǵy Keńester úii;
Ortalyq mádeniet jáne demalys saiabaǵynyń arkasy;
Ortalyq ámbebap dúkenniń (TsÝM) eski korpýsy;
Chaikovskii atyndaǵy Almaty mýzykalyq kolledji;
Geologiialyq ǵylymdar institýty;
Akýsherlik, ginekologiia jáne perinatologiia ǵylymi ortalyǵy;
Kirov atyndaǵy zaýyttyń turǵyn úileri;
Nurǵisa Tilendiev pen Dinmuhamed Qonaevtyń memorialdyq mýzeileri;
«Atakent» kórme ortalyǵynyń kireberis arkasy;
Respýblika alańy.
Arnaiy komissiia ár nysannyń tehnikalyq jai-kúiin, tarihi jáne sáýlettik erekshelikterin zerdeleidi. Zertteý qorytyndysy boiynsha olardyń qaisysyn jergilikti mańyzy bar tarihi jáne mádeni eskertkishter tizimine engizýge usyný kerektigi sheshiledi.
