Aqmola oblysynda aýyl joldaryn jóndeýge bólingen biýdjet qarajatynyń 78 mln teńgesi maqsatsyz jumsalǵan. Bul derek Bulandy aýdanynyń prokýratýrasy júrgizgen tekserý barysynda anyqtaldy, dep habarlaidy ult.kz.
Prokýratýranyń málimetinshe, 2023 jyly aýdandyq turǵyn úi-kommýnaldyq sharýashylyq bólimi merdiger uiymmen Nikolskoe aýylyndaǵy 5,4 shaqyrym joldy ortasha jóndeýge 167,8 mln teńgege kelisimshart jasasqan.
Jumystardy aiaqtaý merzimi 2024 jyldyń jeltoqsanyna belgilengen. Alaida osy ýaqytqa deiin biýdjetten 103 mln teńge tólengenimen, onyń 78 mln teńgesine tiisti jumystar atqarylmaǵan. Tergeý derekterine sáikes, atalǵan qarajat jol jóndeýge qatysy joq maqsattarǵa jumsalǵan.
Osyǵan bailanysty aýdandyq turǵyn úi-kommýnaldyq sharýashylyq bóliminiń burynǵy basshysy men merdiger uiym basshylaryna qatysty asa iri mólsherde biýdjet qarajatyn jymqyrý deregi boiynsha sotqa deiingi tergep-tekserý bastaldy.
Qylmystyq is Aqmola oblysynyń arnaiy prokýrorlarynyń óndirisine berildi.
Qylmystyq-protsestik kodekstiń 201-babyna sáikes, tergeý barysy týraly ózge aqparat jariia etilmeidi.
