Qazaqstanda «7-20-25» ipotekalyq baǵdarlamasyn qarjylandyrý kelesi jyly da jalǵasady. 2027 jylǵa arnalǵan qarjy kólemi 100 mlrd teńgege deiin belgilendi. Alaida qarajat toqsan saiyn 25 mlrd teńgeden bólinetin bolady, dep habarlaidy ult.kz.
Qazaqstan Ulttyq Banki Basqarmasynyń qaýlysyna sáikes, atalǵan qarjy «Qazaqstannyń ornyqtylyq qory» AQ arqyly igeriledi. Qor ekinshi deńgeili bankterden baǵdarlama aiasynda berilgen ipotekalyq turǵyn úi qaryzdary boiynsha talap etý quqyqtaryn satyp alady.
Bul rette bankter ipotekalyq nesielerdi óz qarajaty esebinen beredi. Iaǵni qarjy uiymdaryn aldyn ala qarjylandyrý qarastyrylmaǵan.
Aita keteiik, «7-20-25» baǵdarlamasy bastapqy naryqtan paidalanýǵa berilgen turǵyn úidi satyp alýǵa múmkindik beredi. Ipotekanyń negizgi sharttary ózgerissiz: jyldyq syiaqy mólsherlemesi – 7%, bastapqy jarna – úi qunynyń keminde 20 paiyzy, al nesie merzimi – 25 jylǵa deiin.
Baǵdarlamaǵa bir ret qana qatysýǵa bolady. Onyń seriktes bankteri qatarynda Qazaqstan Halyq Banki, Bank TsentrKredit, Fridom Bank Qazaqstan, Bank RBK, Altyn Bank, Eýraziialyq bank jáne ForteBank bar.
Baǵdarlama iske qosylǵaly beri jalpy somasy 1,26 trln teńgeden asatyn 87 myńnan astam ipotekalyq nesie berilgen.
Baǵdarlama talaptary týraly tolyq aqparatty baspana72025.kz saitynan nemese +7 (727) 227-20-25 nómiri arqyly alýǵa bolady.
