قازاقستاندا «7-20-25» يپوتەكالىق باعدارلاماسىن قارجىلاندىرۋ كەلەسٸ جىلى دا جالعاسادى. 2027 جىلعا ارنالعان قارجى كٶلەمٸ 100 ملرد تەڭگەگە دەيٸن بەلگٸلەندٸ. الايدا قاراجات توقسان سايىن 25 ملرد تەڭگەدەن بٶلٸنەتٸن بولادى, دەپ حابارلايدى ult.kz.
قازاقستان ۇلتتىق بانكٸ باسقارماسىنىڭ قاۋلىسىنا سەيكەس, اتالعان قارجى «قازاقستاننىڭ ورنىقتىلىق قورى» اق ارقىلى يگەرٸلەدٸ. قور ەكٸنشٸ دەڭگەيلٸ بانكتەردەن باعدارلاما اياسىندا بەرٸلگەن يپوتەكالىق تۇرعىن ٷي قارىزدارى بويىنشا تالاپ ەتۋ قۇقىقتارىن ساتىپ الادى.
بۇل رەتتە بانكتەر يپوتەكالىق نەسيەلەردٸ ٶز قاراجاتى ەسەبٸنەن بەرەدٸ. ياعني قارجى ۇيىمدارىن الدىن الا قارجىلاندىرۋ قاراستىرىلماعان.
ايتا كەتەيٸك, «7-20-25» باعدارلاماسى باستاپقى نارىقتان پايدالانۋعا بەرٸلگەن تۇرعىن ٷيدٸ ساتىپ الۋعا مٷمكٸندٸك بەرەدٸ. يپوتەكانىڭ نەگٸزگٸ شارتتارى ٶزگەرٸسسٸز: جىلدىق سىياقى مٶلشەرلەمەسٸ – 7%, باستاپقى جارنا – ٷي قۇنىنىڭ كەمٸندە 20 پايىزى, ال نەسيە مەرزٸمٸ – 25 جىلعا دەيٸن.
باعدارلاماعا بٸر رەت قانا قاتىسۋعا بولادى. ونىڭ سەرٸكتەس بانكتەرٸ قاتارىندا قازاقستان حالىق بانكٸ, بانك تسەنتركرەديت, فريدوم بانك قازاقستان, Bank RBK, Altyn Bank, ەۋرازييالىق بانك جەنە ForteBank بار.
باعدارلاما ٸسكە قوسىلعالى بەرٸ جالپى سوماسى 1,26 ترلن تەڭگەدەن اساتىن 87 مىڭنان استام يپوتەكالىق نەسيە بەرٸلگەن.
باعدارلاما تالاپتارى تۋرالى تولىق اقپاراتتى baspana72025.kz سايتىنان نەمەسە +7 (727) 227-20-25 نٶمٸرٸ ارقىلى الۋعا بولادى.
