قازاقستان بٸرقاتار ازىق-تٷلٸك تٷرٸ بويىنشا ٸشكٸ نارىقتاعى سۇرانىستىڭ جارتىسىن دا وتاندىق ٶنٸم ەسەبٸنەن ٶتەي الماي وتىر. ەسٸرەسە ٶڭدەلگەن كٶكٶنٸستەر, قانت, شاي مەن كوفە بويىنشا يمپورتقا تەۋەلدٸلٸك جوعارى, دەپ حابارلايدى ult.kz LS-كە سٸلتەمە جاساپ.
ۇلتتىق ستاتيستيكا بيۋروسى مەلٸمەتٸنشە, 2026 جىلدىڭ قاڭتار-تامىز ايلارىندا وتاندىق كەسٸپورىندار ٶڭدەلگەن جەنە كونسەرۆٸلەنگەن كٶكٶنٸسكە دەگەن ٸشكٸ سۇرانىستىڭ نەبەرٸ 16,6 پايىزىن قامتاماسىز ەتكەن.
قاي ٶنٸمدەر بويىنشا يمپورتقا تەۋەلدٸلٸك جوعارى?
- ٶڭدەلگەن جەنە كونسەرۆٸلەنگەن كٶكٶنٸس – 16,6%;
- قانت – 22,3%;
- شاي مەن كوفە – 27,6%;
- اشىتقى – 28,3%;
- قويۋلاندىرىلعان سٷت پەن كٸلەگەي – 36%;
- شوكولاد جەنە شوكولاد ٶنٸمدەرٸ – 38,9%.
ياعني بۇل ٶنٸمدەرگە دەگەن سۇرانىستىڭ باسىم بٶلٸگٸ شەتەلدەن جەتكٸزٸلەتٸن تاۋارلار ەسەبٸنەن ٶتەلەدٸ.
قاي ٶنٸمدەر بويىنشا وتاندىق ٶندٸرٸستٸڭ ٷلەسٸ باسىم?
بٸرقاتار ازىق-تٷلٸك تٷرٸنەن قازاقستان ٸشكٸ نارىق سۇرانىسىنىڭ جارتىسىنان استامىن ٶز ٶندٸرٸسٸ ارقىلى قامتاماسىز ەتٸپ وتىر.
مەسەلەن:
- بالىق جەنە تەڭٸز ٶنٸمدەرٸ – 51,5%;
- تۇزدىقتار مەن دەمدەۋٸشتەر – 56,1%;
- پەچەنە, كەپتٸرٸلگەن نان جەنە ۆافلي – 58,6%;
- ٸرٸمشٸك پەن سٷزبە – 59,2%;
- شۇجىق ٶنٸمدەرٸ – 67%.
ال ماكارون ٶنٸمدەرٸ بويىنشا وتاندىق ٶندٸرٸستٸڭ ٷلەسٸ 78,4 پايىزعا, ٶسٸمدٸك مايى 85,4 پايىزعا, ەت پەن ەت ٶنٸمدەرٸ 86,4 پايىزعا جەتكەن.
قاي ٶنٸمنەن قازاقستان ٶزٸن تولىق دەرلٸك قامتاماسىز ەتەدٸ?
ۇلتتىق ستاتيستيكا بيۋروسىنىڭ دەرەگٸنە سٷيەنسەك, كەيبٸر نەگٸزگٸ ازىق-تٷلٸك تٷرٸنەن ٸشكٸ سۇرانىس وتاندىق ٶنٸم ەسەبٸنەن تولىققا جۋىق ٶتەلەدٸ.
اتاپ ايتقاندا:
- بالمۇزداق – 88,2%;
- الكوگولسٸز سۋسىندار مەن سۋ – 88,7%;
- جارما – 93,9%;
- سٷت پەن كٸلەگەي – 95,2%;
- جۇمىرتقا – 97,5%;
- ۇن – 99,2%.
وسىلايشا, قازاقستان ۇن, جۇمىرتقا, سٷت جەنە جارما سيياقتى ٶنٸمدەر بويىنشا ٸشكٸ سۇرانىستى نەگٸزٸنەن ٶز ٶندٸرٸسٸ ەسەبٸنەن ٶتەيدٸ. الايدا ٶڭدەلگەن كٶكٶنٸس, قانت, شاي, كوفە جەنە شوكولاد ٶنٸمدەرٸنە كەلگەندە يمپورتقا تەۋەلدٸلٸك ەلٸ دە جوعارى.
