تارازدا 17 ميلليون تەڭگەدەن استام اقشا مەن زەرگەرلٸك بۇيىمداردى قولدى ەتتٸ دەگەن كٷدٸكپەن ەكٸ ەر ادام ۇستالدى. كٷدٸكتٸلەردٸڭ بٸرٸ ۇرلانعان التىن شىنجىردى ەجەتحاناعا اعىزىپ جٸبەرۋگە ەرەكەتتەنگەن. پوليتسييا وقيعا ورنىنان تٷسٸرٸلگەن بەينەجازبانى جارييالادى, دەپ حابارلايدى ult.kz.
جامبىل وبلىستىق پوليتسييا دەپارتامەنتٸنٸڭ مەلٸمەتٸنشە, تەرتٸپ ساقشىلارىنا جەرگٸلٸكتٸ تۇرعىن ارىزدانعان. ونىڭ ايتۋىنشا, ٷيٸنەن باعالى تاستارى بار 30-دان استام زەرگەرلٸك بۇيىم مەن 830 مىڭ تەڭگە قولما-قول اقشا جوعالعان.
الدىن الا مەلٸمەت بويىنشا, كٷدٸكتٸلەر ٷي يەلەرٸ جوق كەزدە ەسٸك قۇلپىن بۇزىپ, پەتەرگە زاڭسىز كٸرگەن. ۇرلانعان مٷلٸكتٸڭ اراسىندا التىن ەشەكەيلەرمەن قاتار قىرعىز سومى, ەۋرو جەنە قىتاي يۋانٸ دە بولعان. جەبٸرلەنۋشٸگە كەلتٸرٸلگەن جالپى شىعىن 17 ميلليون تەڭگەدەن اسقان.
جەدەل-ٸزدەستٸرۋ شارالارى نەتيجەسٸندە پوليتسييا ەكٸ كٷدٸكتٸنٸ انىقتاپ, قولعا تٷسٸردٸ. ولاردىڭ بٸرٸ تٷركٸستان وبلىسىنىڭ تۇرعىنى ەكەنٸ بەلگٸلٸ بولدى.
تٸنتۋ بارىسىندا كٷدٸكتٸلەردەن ٸسكە قاتىسى بار زاتتاي دەلەلدەمەلەر تابىلعان. پوليتسييانىڭ حابارلاۋىنشا, ەر ادامدار قىلمىس ٸزٸن جاسىرۋعا تىرىسىپ, ۇرلانعان مٷلٸكتٸڭ بٸر بٶلٸگٸنەن قۇتىلماق بولعان. تٸپتٸ كٷدٸكتٸلەردٸڭ بٸرٸ التىن شىنجىردى ەجەتحاناعا اعىزىپ جٸبەرۋگە ەرەكەتتەنگەن. سونىمەن قاتار ۇرلانعان ەشەكەيلەردٸڭ كەيبٸرٸن ساتىپ ٷلگەرگەنٸ انىقتالدى.
قازٸرگٸ ۋاقىتتا اسا ٸرٸ مٶلشەردەگٸ ۇرلىق دەرەگٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
