استانادا 30-عا جۋىق اۆتوكٶلٸك دٶڭگەلەگٸن ۇرلاپ, ساتىپ جٸبەرگەن 23 جاستاعى شەتەل ازاماتى ۇستالدى. كەلتٸرٸلگەن شىعىن كٶلەمٸ 7 ميلليون تەڭگەگە جۋىق, دەپ حابارلايدى ult.kz.
Polisia.kz مەلٸمەتٸنشە, بايقوڭىر اۋداندىق پوليتسييا باسقارماسىنىڭ مەلٸمەتٸنشە, كٷدٸكتٸ ەلورداداعى دەمحانالار جەلٸسٸنٸڭ بٸرٸندە جۇمىس ٸستەگەن. مەكەمە قىزمەتكەرلەرٸ ماۋسىمدىق دٶڭگەلەك اۋىستىرۋ جۇمىستارىنان كەيٸن الىنعان دٶڭگەلەكتەردٸ قويماعا ساقتاۋعا قويعان.
قويماداعى مٷلٸكتەردٸڭ ورنالاسقان جەرٸن جاقسى بٸلەتٸن جۇمىسشى دٶڭگەلەكتەردٸ بٸرتٸندەپ جاسىرىن الىپ شىعىپ وتىرعان. كەيٸن ساتىپ الۋشىلار تاۋىپ, ولارعا قويما يەسٸ ٷي-جايدى بوساتۋدى تاپسىرعانىن ايتىپ, ۇرلانعان مٷلٸكتٸ ساتىپ جٸبەرگەن. تٷسكەن اقشانى جەكە قاجەتٸنە جۇمساعان.
بٸراز ۋاقىتتان كەيٸن اۆتوكٶلٸك يەلەرٸ دٶڭگەلەكتەرٸنٸڭ جوعالعانىن بايقاپ, پوليتسيياعا شاعىمدانعان. جالپى ماتەريالدىق شىعىن 7 ميلليون تەڭگەنٸ قۇراعان.
قىلمىستىڭ ەشكەرەلەنگەنٸن بٸلگەن كٷدٸكتٸ قازاقستاننان شىعىپ, ٶز ەلٸنە كەتكەن. الايدا جەدەل-ٸزدەستٸرۋ شارالارى بارىسىندا ونىڭ ەلگە قايتا ورالعانى انىقتالىپ, پوليتسييا قىزمەتكەرلەرٸ ونى ۇستادى.
قازٸر اتالعان دەرەك بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. كٷدٸكتٸ قاماۋعا الىنعان. سونداي-اق ونىڭ وسىعان ۇقساس باسقا دا قىلمىستارعا قاتىسى بار-جوعى تەكسەرٸلۋدە.
