باتىس قازاقستان وبلىسىندا 35 جاستاعى ەيەل بٸلٸم بەرۋ سالاسىنداعى مەسەلەلەردٸ شەشٸپ بەرەمٸن دەپ بٸرنەشە تۇرعىندى الداپ كەتكەن. ول جوعارى وقۋ ورنىنا گرانتقا اۋىستىرۋدى, ماگيستراتۋراعا تٷسٸرۋدٸ جەنە ديپلوم الىپ بەرۋدٸ ۋەدە ەتٸپ, ازاماتتاردان اقشا العان, دەپ حابارلايدى ult.kz.
Polisia.kz مەلٸمەتٸنشە, قىركٷيەك ايىندا ورال قالاسىنىڭ تۇرعىنى پوليتسيياعا ارىزدانعان. ونىڭ ايتۋىنشا, كٷدٸكتٸ اقىلى نەگٸزدە جوعارى وقۋ ورنىندا بٸلٸم الىپ جٷرگەن ۇلىن گرانتقا اۋىستىرىپ بەرۋگە ۋەدە ەتٸپ, 50 مىڭ تەڭگەسٸن العان.
تەرگەۋ بارىسىندا ەيەلدٸڭ ورال قالاسى مەن وبلىس اۋداندارىنىڭ تۇرعىندارىن وسىنداي جولمەن الداعانى انىقتالدى.
اتاپ ايتقاندا, ول پەداگوگتەرگە ساناتتىق تەستٸلەۋدەن ٶتۋگە كٶمەكتەسٸپ, قاجەتتٸ شەكتٸ بالدى جيناپ بەرۋگە ۋەدە ەتكەن. وسى قىزمەتٸ ٷشٸن بٸر تۇرعىننان 60 مىڭ, ەكٸنشٸسٸنەن 120 مىڭ تەڭگە العان. بۇدان بٶلەك, بٸرنەشە ادامعا ماگيستراتۋراعا تٷسٸرٸپ, جوعارى وقۋ ورنىنىڭ ديپلومىن الىپ بەرۋگە ۋەدە ەتكەن.
كٷدٸكتٸ تۇرعىنداردان كٶرسەتەمٸن دەگەن قىزمەتتەرٸ ٷشٸن الدىن الا 50 مىڭنان 500 مىڭ تەڭگەگە دەيٸن اقشا العان. الايدا ۋەدەلەرٸنٸڭ بٸرٸن دە ورىنداماعان.
جەدەل-ٸزدەستٸرۋ شارالارى نەتيجەسٸندە كٷدٸكتٸنٸڭ جەكە باسى انىقتالدى. ول – ورال قالاسىنىڭ 35 جاستاعى تۇرعىنى.
اتالعان دەرەكتەر بويىنشا توعىز ەپيزودتان تۇراتىن قىلمىستىق ٸس قوزعالدى. تەرگەۋ اياقتالىپ, ٸس سوتقا جولداندى.
