Batys Qazaqstan oblysynda 35 jastaǵy áiel bilim berý salasyndaǵy máselelerdi sheship beremin dep birneshe turǵyndy aldap ketken. Ol joǵary oqý ornyna grantqa aýystyrýdy, magistratýraǵa túsirýdi jáne diplom alyp berýdi ýáde etip, azamattardan aqsha alǵan, dep habarlaidy ult.kz.
Polisia.kz málimetinshe, qyrkúiek aiynda Oral qalasynyń turǵyny politsiiaǵa aryzdanǵan. Onyń aitýynsha, kúdikti aqyly negizde joǵary oqý ornynda bilim alyp júrgen ulyn grantqa aýystyryp berýge ýáde etip, 50 myń teńgesin alǵan.
Tergeý barysynda áieldiń Oral qalasy men oblys aýdandarynyń turǵyndaryn osyndai jolmen aldaǵany anyqtaldy.
Atap aitqanda, ol pedagogterge sanattyq testileýden ótýge kómektesip, qajetti shekti baldy jinap berýge ýáde etken. Osy qyzmeti úshin bir turǵynnan 60 myń, ekinshisinen 120 myń teńge alǵan. Budan bólek, birneshe adamǵa magistratýraǵa túsirip, joǵary oqý ornynyń diplomyn alyp berýge ýáde etken.
Kúdikti turǵyndardan kórsetemin degen qyzmetteri úshin aldyn ala 50 myńnan 500 myń teńgege deiin aqsha alǵan. Alaida ýádeleriniń birin de oryndamaǵan.
Jedel-izdestirý sharalary nátijesinde kúdiktiniń jeke basy anyqtaldy. Ol – Oral qalasynyń 35 jastaǵy turǵyny.
Atalǵan derekter boiynsha toǵyz epizodtan turatyn qylmystyq is qozǵaldy. Tergeý aiaqtalyp, is sotqa joldandy.
