Qazaqstanda 29 qarashada ótetin barlyq deńgeidegi máslihat depýtattarynyń sailaýyna 35,8 mlrd teńge bólinedi. Bul týraly Ortalyq sailaý komissiiasynyń múshesi Mihail Bortnik málimdedi, dep habarlaidy ult.kz.
Onyń aitýynsha, sailaýdy ótkizýge arnalǵan biýdjet Qarjy ministrligimen jáne Ulttyq ekonomika ministrligimen kelisilgen.
Bólingen qarajattyń basym bóligi sailaý komissiialary músheleriniń eńbekaqysyn tóleýge jumsalady. Shamamen 70 paiyzy ýchaskelik sailaý komissiialary qyzmetkerleriniń jalaqysyna baǵyttalady.
Bortniktiń málimetinshe, máslihat sailaýyna qosymsha 3 022 okrýgtik komissiia qatysady. Olardyń quramynda 15 110 adam jumys isteidi.
Aita keteiik, Qazaqstanda barlyq deńgeidegi máslihat depýtattarynyń kezekten tys sailaýy 29 qarashaǵa belgilengen. Ortalyq sailaý komissiiasynyń dereginshe, el boiynsha depýtattyqqa 10 971 kandidat tirkelgen.
