Atyraý qalasynda ekstremistik top qurdy degen kúdikpen 10 adam ustaldy. Ulttyq qaýipsizdik komitetiniń málimetinshe, olar Qazaqstannyń batys óńirinde konstitýtsiialyq qurylys negizderin kúshpen ózgertýdi josparlaǵan, dep habarlaidy ult.kz.
Arnaiy operatsiia 30 qazanda prokýratýranyń úilestirýimen júrgizilgen.
UQK habarlaýynsha, kúdiktiler ekstremistik top qurý, oǵan basshylyq etý jáne onyń qyzmetine qatysý, sondai-aq terrorizmdi nasihattaý men dini alaýyzdyqty qozdyrý áreketterine qatysy bar dep kúdiktelip otyr.
Tergeý nusqasyna sáikes, top músheleri Qazaqstannyń batys óńirinde konstitýtsiialyq qurylys negizderin kúshpen ózgertýdi maqsat etken.
Ustalǵandardyń turǵylyqty mekenjailaryn tintý kezinde atys qarýy, esirtki zattary, dini atribýtika, ádebietter jáne basqa da zattai dáleldemeler tárkilendi.
Sonymen qatar balalar men jasóspirimderge arnalǵan úsh jasyryn oqý ortalyǵynyń qyzmeti toqtatyldy.
UQK málimetinshe, top músheleriniń birqatary buǵan deiin terroristik jáne jalpy qylmystyq quqyq buzýshylyqtar úshin sottalǵan.
