الماتىدا كٶپقاباتتى تۇرعىن ٷيدٸڭ بٸر پەتەرٸندە سينتەتيكالىق ەسٸرتكٸ ٶندٸرەتٸن زەرتحانا جۇمىس ٸستەگەن. پوليتسييا زاڭسىز ٶندٸرٸستٸ ۇيىمداستىردى دەگەن كٷدٸكپەن 34 جاستاعى قالا تۇرعىنىن ۇستادى. تٸنتۋ كەزٸندە جالپى سالماعى 4,5 كەلٸ بولاتىن ەسٸرتكٸ مەن زەرتحانالىق جابدىقتار تەركٸلەندٸ, دەپ حابارلايدى ult.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, كٷدٸكتٸ تۇرعىن ٷي كەشەنٸندەگٸ پەتەردٸ مەفەدرون ٶندٸرۋگە پايدالانعان. زەرتحانانىڭ جۇمىسى كٶرشٸلەردٸڭ نازارىن اۋدارتپايتىنداي ەتٸپ ۇيىمداستىرىلعانى انىقتالدى.
ٸٸم ەسٸرتكٸ قىلمىسىنا قارسى ٸس-قيمىل كوميتەتٸنٸڭ باسقارما باستىعى باقىتجان ەمٸرحانوۆتىڭ ايتۋىنشا, جەدەل ۋەكٸلدەر كٷدٸكتٸنٸڭ ەرەكەتٸن انىقتاپ, پەتەرگە تٸنتۋ جٷرگٸزگەن.
تٸنتۋ بارىسىندا بٸر كەلٸ دايىن ٶنٸم, كريستالدارى بار التى شىنى ناۋا, ديحلورمەتان قۇيىلعان التى بٶتەلكە, رەاكتيۆتەرٸ بار توعىز كانيستر, زەرتحانالىق ىدىستار, ەلەكتروندى تارازىلار جەنە جەكە قورعانىس قۇرالدارى تابىلعان. تەركٸلەنگەن زاتتاردىڭ جالپى سالماعى 4,5 كەلٸ بولعان.
اتالعان دەرەك بويىنشا قىلمىستىق كودەكستٸڭ 297-1-بابىمەن سوتقا دەيٸنگٸ تەرگەپ-تەكسەرۋ باستالدى. كٷدٸكتٸگە ٶمٸر بويىنا باس بوستاندىعىنان ايىرۋعا دەيٸنگٸ جازا تاعايىندالۋى مٷمكٸن.
قازٸرگٸ ۋاقىتتا تەرگەۋ امالدارى جالعاسىپ جاتىر.
