ماڭعىستاۋ وبلىسىندا پروباتسييا تالاپتارىن بٸرنەشە رەت بۇزعان ازامات باس بوستاندىعىنان ايىرىلدى. ول بەلگٸلەنگەن ۋاقىتتا باقىلاۋ قىزمەتٸنە كەلمەي, رۇقساتسىز باسقا ەلدٸمەكەنگە كەتٸپ جٷرگەن, دەپ حابارلايدى ult.kz.
Polisia.kz مەلٸمەتٸنشە, بەينەۋ اۋداندىق سوتى ۇرلىق جاساعانى ٷشٸن ازاماتتى 5 جىلعا باس بوستاندىعىنان ايىرۋعا ٷكٸم شىعارعان. الايدا جازا شارتتى تٷردە تاعايىندالىپ, ول پروباتسييا قىزمەتٸنٸڭ باقىلاۋىنا الىنعان.
باقىلاۋ كەزەڭٸندە سوتتالعان ازامات ٶزٸنە جٷكتەلگەن مٸندەتتەردٸ بٸرنەشە رەت بۇزعان. اتاپ ايتقاندا, پروباتسييا قىزمەتٸنە ۋاقىتىندا كەلمەگەن, تۇرعىلىقتى مەكەنجايىندا بولماعان جەنە رۇقساتسىز باسقا ەلدٸمەكەنگە كەتكەن.
بٸرنەشە رەت ەسكەرتۋ جاسالعانىمەن, ول زاڭ تالاپتارىن ورىنداماعان. وسىعان بايلانىستى پروباتسييا قىزمەتٸ شارتتى سوتتاۋدىڭ كٷشٸن جويۋ تۋرالى سوتقا ۇسىنىس ەنگٸزگەن.
سوت ۇسىنىستى قاناعاتتاندىرىپ, ازاماتتى باس بوستاندىعىنان ايىرۋ تۋرالى شەشٸم قابىلدادى. قازٸر ول ۋاقىتشا ۇستاۋ يزولياتورىنا قامالعان.
