تانىمال اكتەر بەكجان تۇرىستىڭ ەۋلەتٸ كەلٸن تٷسٸرٸپ, قۋانىشقا كەنەلدٸ. ٶنەر يەسٸنٸڭ ۇلى ماعجان وتباسىن قۇرىپ, جاقىندارى مەن اعايىن-تۋىستىڭ باسىن قوسقان ٷلكەن توي ٶتتٸ, دەپ حابارلايدى ult.kz.

قازاقى سالت-دەستٷرگە ساي ۇيىمداستىرىلعان كەشتە جاس جۇبايلارعا اق تٸلەكتەر ايتىلىپ, ەرەكشە ٷلگٸدە «جار-جار» شىرقالدى. جاڭا ٶمٸرگە قادام باسقان جۇپقا جينالعان قاۋىم باقىت تٸلەپ, اق باتاسىن بەردٸ.

تويدا قوناقتارعا ارنالعان باعالى سىيلىقتار دا جۇرت نازارىن اۋداردى. ەسٸرەسە, ورتاعا قويىلعان ارنايى ساندىقتىڭ ٸشٸندە نە بار ەكەنٸ كٶپشٸلٸكتٸڭ قىزىعۋشىلىعىن وياتتى.

كەش تٸزگٸنٸن ۇستاعان اسابا ساندىقتا سۋ جاڭا اۆتوكٶلٸكتٸڭ كٸلتٸ دە جاسىرىلۋى مٷمكٸن ەكەنٸن ايتىپ, قوناقتاردى ەلەڭ ەتكٸزدٸ. دەگەنمەن كٶلٸكتٸڭ ناقتى ۇتىسقا تٸگٸلگەنٸ نەمەسە ونىڭ كٸمگە بۇيىرعانى تۋرالى مەلٸمەت ايتىلمادى.

ايتا كەتەيٸك, مٶلدٸر مۇقان قارجىلىق جاعدايىن تٸلگە تيەك ەتتٸ. 

بەكجان تۇرىس كٸم?

بەكجان اساۋبايۇلى تۇرىس – قازاقستاندىق تەاتر جەنە كينو اكتەرٸ, قازاقستاننىڭ ەڭبەك سٸڭٸرگەن قايراتكەرٸ. ول 1965 جىلى 15 اقپاندا الماتى وبلىسى ۇيعىر اۋدانىنىڭ شوشاناي اۋىلىندا دٷنيەگە كەلگەن. 1987 جىلى ت. جٷرگەنوۆ اتىنداعى وقۋ ورنىن تەاتر جەنە كينو اكتەرٸ ماماندىعى بويىنشا تەمامداعان.

ٶنەر يەسٸ تەاتر ساحناسىندا درامالىق جەنە كومەدييالىق كەيٸپكەرلەردٸ سومداپ, ٶزٸندٸك قولتاڭباسىن قالىپتاستىردى. ونىڭ شىعارماشىلىق قورجىنىندا «ايمان-شولپان», «ٶمٸرزايا», «تويدان قايتقان قازاقتار», «مەن ٸشپەگەن ۋ بار ما?..» سەكٸلدٸ قويىلىمدارداعى رٶلدەر بار.

كٶپشٸلٸككە «جەتپٸس جەتٸ كٷن», «ۇيات بولماسىن», «ەركەكتٸڭ اتى ەركەك» تەلەۆيزييالىق جوبالارى ارقىلى كەڭٸنەن تانىلدى. ەسٸرەسە, «ۇيات بولماسىن» باعدارلاماسىنداعى اقىلباي شال بەينەسٸ كٶرەرمەننٸڭ ەسٸندە قالدى. سونداي-اق اكتەر «بازارباەۆتار» تەلەحيكاياسىنا تٷسكەن.

بەكجان تۇرىس 2004 جىلى «دارىن» مەملەكەتتٸك جاستار سىيلىعىنىڭ لاۋرەاتى اتاندى. ال 2009 جىلى وعان «قازاقستاننىڭ ەڭبەك سٸڭٸرگەن قايراتكەرٸ» اتاعى بەرٸلدٸ.