اقتٶبە وبلىسىندا بالا كٷتٸمٸنە بايلانىستى دەمالىستا جٷرگەن ەر ادام اليمەنت بەرەشەگٸن ەسەپتەۋگە قاتىستى جەكە سوت ورىنداۋشىسىمەن سوتتاستى, دەپ حابارلايدى ult.kz.
ەر ادام 2024 جىلدىڭ اقپانىنان بەرٸ بالا كٷتٸمٸ دەمالىسىندا بولعان. جۇمىس ورنى ساقتالعانىمەن, جەكە سوت ورىنداۋشىسى ونىڭ قارىزىن قازاقستانداعى ورتاشا جالاقى نەگٸزٸندە ەسەپتەگەن. بورىشكەر بۇل شەشٸممەن كەلٸسپەي, سوتقا جٷگٸنگەن.
سوت جەكە سوت ورىنداۋشىسىنىڭ ەرەكەتٸن زاڭسىز دەپ تانىدى. ٶيتكەنٸ بالا كٷتٸمٸ دەمالىسىندا جٷرگەن ازامات جۇمىسسىز بولىپ سانالمايدى. سونىمەن بٸرگە مۇنداي دەمالىس اليمەنت تٶلەۋ مٸندەتٸنەن بوساتپايدى.
سوت بەرەشەكتٸ ەر ادامنىڭ بالا كٷتٸمٸ دەمالىسىنا شىققانعا دەيٸنگٸ ورتاشا جالاقىسى نەگٸزٸندە قايتا ەسەپتەۋدٸ مٸندەتتەدٸ.
شەشٸم زاڭدى كٷشٸنە ەندٸ.
